مؤسس ائتلاف أولياء الأمور تواجه مشكلة "عصبية الأمهات عند المذاكرة مع الأبناء"
عادة عدد كبير من الأمهات بيكونوا عصبيين مع أبنائهم عند المذاكرة، وبتزيد العصبية مع قرب الإمتحانات والصوت العالي وده بيسبب توتر وضغط للطلاب، وكل ده علشان الحصول علي أعلي الدرجات وبيشربوهم المنهج.. رأيكم إيه؟ هل بتسيبوا ولادكم يعتمدوا علي نفسهم وبتساعدوهم لما يحتاجوكم ولا بتتعاملوا إزاي؟.. خلونا نفيد بعض".
مؤسس ائتلاف أولياء الأمور تواجه مشكلة "عصبية الأمهات عند المذاكرة مع الأبناء"
الفقرة السابقة كانت بوست ومنشور لمؤسس إتحاد أمهات مصر للنهوض بالتعليم، وائتلاف أولياء الأمور، عبير أحمد، موجهه حديثها لأولياء الأمور من الأمهات، في محاولة منها لمعالجة هذه القضية وعدم الضغط علي الأبناء عصبيا ونفسيا من أجل الحصول على أعلي الدرجات.
وتفاعلت عشرات الأمهات علي المنشور، حيث قالت ولي أمر: "لا طبعا، بتابع أول بأول ومع المدرسين وفي البيت لأن مينفعش ترك الأولاد مع نفسهم حتي وإن كبروا بتزيد المسئولية علشان يستوعبوا، هم في ايه ولازم يكونوا ايه وإزاي، والله المستعان وربنا معانا جميعا يارب".
وأضافت ولي أمر أخري: "لازم للأسف، أتابع وأذاكر معاهم ومش بسبهم وخصوصا أيام الإمتحان بكون متوترة أكتر منهم لدرجة بنام أحلم بيها، كل تفكيري في الإمتحان والدراجات".
وعلقت ولي أمر أخري ساخره: "نسيب مين حضرتك؟، ده احنا عاملين لبعض محاضر عدم تعرض والجيران طفشوا مننا، وطلبة تتوتر، حضرتك طيبة قوى، احنا اللى عندنا توتر واكتئاب وهلاوس سمعية وبصرية".
وذكرت ولي أمر: "حقيقة الموضوع بيختلف من طفل لآخر، في طفل لازم تقعدي معاه لأنك لو مقعدتيش معاه مش هيعمل حتي الهوم ورك مش يذاكر وده للأسف بيكون اعتماده الكلي والجزئي علي الأم، وفي طفل آخر مبيحتجش إننا نكون معاه بصفه دائمه ومجرد ما اعطتيله نقاط يشتغل عليها بيقوم بواجبه علي أكمل وجه ودول طبعا قله قليله، وصراحة مع المناهج الجديده صعب جدا ترك الطفل لواحده يذاكر فبالتالي لازم نكون قاعدين معاه طول الوقت علشان يقدر يلم المنهج الطويل ويحصل كويس فيه".
وتابعت: "وعلي الرغم من اعتراضي الشديد علي أننا بنقعد معاهم طول الوقت إلا أن بعض الأمهات بيكونوا مجبرين علي كده للأسف، وده بيحط الأم تحت ضغط نفسي وعصبي وخاصة لو في أكتر من طفل وفي مراحل تعليم مختلفه فبتكون مشتته حقيقه بين أكثر من منهج وأكتر من هوم ورك، مما يخلق مزيد من العصبية والصوت العالي وساعات ممكن توصل لأكتر من كده بكتير، بس حقيقة كان الله في عون جميع الأمهات".
ومن جانبها، شددت عبير أحمد، مؤسس إتحاد أمهات مصر وائتلاف أولياء الأمور، علي ضرورة البعد وتجنب أي عصبية وتوتر وضرورة اتساع صدى الأمهات مع أبنائهم خلال المذاكره حتي لا ينقلب الأمر للعكس، ويؤثر علي الطالب تأثير سلبي.
