حملات لدعم مستشفي علاج الأطفال 57357
دشن عدد من رواد مواقع التواصل الاجتماعي دعوات لدعم مستشفي سرطان الأطفال 57357 بعد نقص التبرعات ، مطالبين بالتبرع ولو بمبلغ صغير ، كما شارك فى الحملة عدد من نجوم الفن والسوشيال ميديا.
وقال عمرو يوسف فى رسالته لدعم المستشفي "هذا الصرح العظيم بيقفل وفى فرع فى طنطا قفل . والمستشفي حالتها صعبة ومحدش طلب مني أعمل الفيديو أنا دورت بنفسي وده مكان عظيم وبيؤدي رسالة عظيمة وفى أزمة اقتصادية وكنا بنتبرع بس دلوقتي مش قادرين بنتبرع الجنيه بيفرق معاهم احنا 100 مليون اتبرع باللى تقدر عليه وأنا شخصيا أي زنقة فلوس بطلع فلوس وربنا بيروح باعت عالطول".
وقالت دينا الشربيني " فى مؤسسة عالجت مرضي كتير ولسه هتعالج مرضي كتير تعالو نفكر بعض وأي حد يقدر يدعم المستشفي علشان تعالج مرضي جديدة يا ريت يعمل كده".
وقالت الفنانة انجى على ،" للاسف عرفنا من مصدر موثوق من جوة مستشفى 57357 ان المستشفى في وضع حرج من قلة التبرعات، فرع طنطا خلاص قفل، و المخزون المتاح الان يكفي 6 اشهر فقط، استقبال الحالات الجديدة بقي محدود، و استمرار المتابعة للحالات الحالية بقي غير مضمون علي المدي الطويل، و كتير من العاملين هناك مشيوا.دة معناه ان كتير من اطفال مرضي السرطان مش هيلاقوا علاج بالمجان و للاسف العلاج غالي جدا علي معظم الاسر المصرية، اعتقد دة الوقت المناسب للتبرع".
