فيفي عبده: أنا أول واحدة دخلت سناب شات مصر
قالت الفنانة فيفي عبده أنها أول من استخدمت تطبيق “سناب شات” في مصر، مشيرة إلى أنها بسببه تعرضت للحسد ومرضت لـ ثلاث سنوات.
وأضافت عبده، خلال لقائها ببرنامج “صباح العربية”:" موضوع 5 مواه، بدأ في سناب شات، أنا أول واحدة دخلته مصر كان وقتها فيس بوك لسة بيقول يا هادي، وكان عندي نسب مشاهدات عالية جدًا، وكنت بحاول أدخل العالم العربي مع مصر وكنت أون لاين كل يوم وبوريهم أنا بعمل إيه في يومي، ونشوني عين وقعدت عيانة لمدة 3 سنين والحمد لله ربنا نجاني منها، وكنت بقول لبنتي اعملي 5 مواه للفانز بتوعي".
وتابعت فيفي عبده متحدثة عن ابنتها: “بنتي خريجة جامعة أمريكية ومتعرفش عربي أوي، وكنت جايبة ليها مُدرس عربي عشان لازم تعرف دينها، ولكن مكانتش عارفة تكتب 5 مواه، ومن هنا جه علامة إيدي 5 مواه، والناس بتفكر إني بخمس في وشهم، وعملت المصطلحات بتاعتي مع الفانز بتاعي، والعالم كله بقى يتكلم إنجليزي أكن مكنش فيه إنجليزي قبل كده”.
