شاهد.. سيدات تفوقن في قيادة الطائرات يرون أغرب المواقف

استضاف برنامج "الستات ما يعرفوش يكدبوا" على قناة "،CBC" اليوم، سيدات قررن اقتحام مهنة اقتصرت علي الرجال لفترة طويلة وهي قيادة الطائرات، حيث قالت كابتن طيار هبة درويش، إنها كانت تحلم بقيادة الطائرة منذ صغرها وأن تطير في السماء، والدخول لكابينة الطائرة، قائلة: "كان هدفًا بالنسبة لي أن أطير لذلك تعلمت قيادة الطائرة".

المهنة اخدت من وقتي ولكن ادتني كتير

أضافت درويش: "المهنة اخدت من وقتي ولكن ادتني كتير، فمهنة الطيران تحتاج شخص ملتزم بمواعيده محافظ على نظام حياته وأن يكون حريص على وزنه ومواعيد وعدد ساعات نومه".

وعن أغرب المواقف التي واجهتها كابتن هبة درويش، كشفت:" لما كنت بقول اسمي اثناء ترحيبي بالركاب كانوا بيفكروا اني راجل وكان في ناس بتستغرب إني في ست هي اللي بتقود الطيارة"

من جانبها، قالت سارة موسى، إنها انتهت من دراسة كلية الصيدلة، ثم بعدها قررت تعلم الطيران، مضيفة: " كنت بدور على حاجة اكون فيها مختلفة، ومفيش حاجة في الدنيا احسن من الطيران  اللي كانت تديني المواصفات اللي انا عايزاها. أنا بحب السفر مبحبش الروتين خالص، بحب أشوف بلاد مختلفة واكلات مختلفة، وناس مختلفة،  فكانت المهنة دي من اكتر الحاجات اللي مدياني اللي انا عايزاه".

حول أغرب المواقف التي حصلت مع سارة، قالت: "حصل معي موقف الرحلة كانت رحلة اوروبا يعني العقلية الناس المفروض ان هم متفتحين جدا واتطلبت متأخر على الرحلة فوصلت متأخر يعني وده مش الطبيعي على الرحلة. فلما دخلت فجأة راكبة في أول كرسي بيزنس كلاس انفجرت وقررت أنها عايزة تنزل  من الرحلة رحت اتكلمت معاها واقنعتها ولما نزلت من الرحلة غيرت رأيها".