الرئيس السيسي يدعو لإجراء حوار مجتمعى حول قانون الأحوال الشخصية الجديد

تحدث الرئيس عبد الفتاح السيسي، عن قانون الأحوال الشخصية الجديدة، قائلا: "لما اتكلمنا عن قانون الأحوال الشخصية قولنا شوية ملامح للقانون.. والنخبة اللى اشتغلت فيه مطمئنين أنهم خدوا كل وجهات النظر، وتم طرحها لأن الناس كانت بتشوف الكلام ده على منصة القضاء على مدى 30 سنة وأكثر".

الرئيس السيسي يدعو لإجراء حوار مجتمعى حول قانون الأحوال الشخصية الجديد

وأضاف الرئيس السيسي، خلال كلمته في افتتاح مشروعات جديدة في مجمع الصناعات الكيماوية بالجيزة: "لما اتكلمنا عن الملامح الرئيسية ده مش معناه أنكم ما تعملوش حسابكم في الحوار حوله.. لازم تعملوا حوار مجتمعي للقانون.. وزير العدل موجود معانا يكلمنا عن القانون الجديد".

وشدد الرئيس على ضرورة وجود أوعية إدخارية لدى الوزارات والهيئات المختلفة، مستشهدا بصندوق قناة السويس، مشيرا إلى أن إيراد القناة بلغ 220 مليار دولار منذ عام 1975 وحتى الآن، لافتا إلى أنه لو تم استقطاع 10% من ذلك الإيراد ووضعه في صندوق كان من الممكن استخدامه لتمويل مشروعات هيئة قناة السويس والتطوير في القناة.

وأوضح أنه كان من الضرورى إطلاع الإعلام على صندوق هيئة قناة السويس قبل دخوله البرلمان من أجل توضيح الحقيقة أمام المواطنين، متابعا: “الصندوق هدفه توفير السيولة اللازمة لمشروعات الهيئة".

وأضاف السيسي خلال افتتاح مصنعين بمجمع الصناعات الكيماوية بأبورواش في الجيزة، "لما جه الفريق أسامة في 2019 بقوله قولي عندك أموال إيه قالي لا أنا معنديش حاجة قولتله أله يعني أنت لما تيجي تعمل مشروع لقناة السويس لتطويرها هتعمل إيه قالي هروح لوزارة المالية ولا بأس وده النظام".

وتابع: "قولتله أنا عايز أقول لكم على حاجة، في البلاد اللي زي حالاتنا اللي ظروفها الاقتصادية متستحملش الكلام ده لازم يكون في أوعية على جنب والكلام ده أنا عملته في وزارة الصحة، وفي دلوقتي 70 مليار يا دكتور.. طب ليه عملت الصندوق ده في وزارة الصحة، عملته عشان التأمين الصحي".

وقال الرئيس عبدالفتاح السيسي، عن أرباح قناة السويس منذ عام 1975 بلغت نحو 220 مليار دولار، معقبا: "بتكلم عن الافتتاح الجديد سنة 75 قناة السويس جابت 220 مليار دولار، لو حد كان شال 10 % من الرقم ه وحطه في صندوق".
 

أضاف الرئيس السيسي، خلال افتتاح مصنعى إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة: "أمال الصندوق دخل البرلمان ليه؟.. علشان يديله حصانة برلمانية ما حدش يقدر ياخد منه ولا يتصرف فيه طبقا للمعايير اللى تم التصديق عليه بيها والقواعد اللى اتحطت وأجهزة الدولة الرقابية تفتش عليه وجهة سيادية مسؤولة عليه برضه وكل حاجة.