لاعب المصري البورسعيدي: بتعرض لظلم داخل النادي بسبب الواسطة.. وعاوزين يمضوني على بياض

علق عمر الجارحي أحد ناشئين فريق المصري البورسعيدي والذي تم تصعيده حديثاً للفريق الأول، عن مدى الظلم الذي يعانيها داخل جدران الفريق البورسعيدي .

ونشر الجارحي، عبر حسابه على مواقع التواصل الإجتماعي " فيسبوك" :" أنا نزلت بوست إمبارح و هي هي الحكاية و مفيش مخلوق عبرني ولا رئيس قطاع ولا مدير فني ولا جهاز طبي ولا إداري كل اللي كلموني من خارج دايرة النادي المصري أنا وأنا عندي 16 سنه لعبت ماتش قدام كابتن حسام حسن والحمدلله عجبه مستوايا و كنت همضي بس للاسف الواسطه اشتغلت".

وتابع: " لما اتصعدت اخر مره مع كابتن طارق العشري كان في ناس كتير اوي بتحاربني و كان في مدرب كبير في الفريق الأول بدون ذكر اسماء اتصل برئيس القطاع و قاله أنت كده راضي ضميرك وطبعا عشان أنا متصعد بمجهودي بس إزاي الحق ياخد مكانه و لما رجعت من إصابتي قبل ما اتصاب تاني اجي الإداري يمضينا علي مكافأة وأنا رفضت وطبعا المكافأة دي الله اعلم كانت هتتصرف امتي وللعلم عشان الجمهور يبقي عارف انا ماضي علي 400 جنية الموسم اللي فات و مخدناش حاجه".

وأفصح الجارحي:" لما تميت الـ21 سنه بعد التعب و الظلم ده كله كانوا عايزين يمضوني علي عقد 5 سنين علي بياض من غير فلوس وأنا رفضت و لسه الظلم شغال ولو سمحت انا بكلم قصاد الجمهور كله انا عايز ورق استغنتي وأختتم: "شكرًا النادي المصري".

وجدير بالذكر أن ما نشره الجارحي بالأمس كان يشمل حكاياته من البداية ومعاناته منذ 14 سنة الذي امكسها داخل نادي المصري البورسعيدي والإهمال الذي تألم منه إثناء إصابته .