سيدة تحذر من محفظة "فودافون كاش": محدش يسيب فلوس فيها
الخميس 05/يناير/2023 - 06:51 م
حذرت إحدي السيدات من التعامل مع محفظة فودافون كاش بعد تعرض حسابها لسحب مبلغ لصالح تطبيق غير مشتركة فيه.
وقالت صاحبة الشكوي،" محدش يحط فلوس فى Vodafone Egypt كاش .. انا كنت حاطة فلوس فى حسابي و لقيت فودافون سحبو منى اشتراك adsl و انا مش مشتركة اصلا على الرقم ده و مجاش لي اي رسالة بتقول ان تم سحب المبلغ ده لايه و لا لانهى رقم كلمتهم عشان اشتكى قالولي انتي اللي عملتى المعاملة دي قولتلهم ازاي و انا اصلا مش مشتركة فى الخدمة دي و طلبت منهم رقم التليفون اللي عليه الاشتراك يقولولي مش عندنا".
وتابعت عملت شكوي فى الجهاز القومي للاتصالات فودافون بتبعتلهم كشف بالمعاملات ومفيش أي حاجة تثبت ان مش انا اللي عملت المعاملة دي و للاسف لا حياة لمن تنادى ومفيش اي رقابة عليهم للاسف!!!".
