"نورهان راحت المستشفى وأنا حرقت الحاجات اللي كانت في الكيس".. قاتل أم عشيقته ببورسعيد يكشف كيف حاولا إخفاء جريمتها

حصل “مصر تايمز” على تفاصيل جديدة  في قضية القاتل الحدث “حسين م ف” المتهم بقتل  داليا الحوشي، والتي تبلغ من العمر 42 عامًا داخل منزلها بحي الفيروز بـ محافظة بورسعيد، بمساعدة ابنتها؛ ويأتي ذلك بالتزامن مع نظر القضية أمام محكمة جنايات الأحداث لعدم بلوغ الطفل 14 عامًا، والتي تم تأجيلها إلى جلسة 15 يناير الجاري.

قال المتهم “حسين”: بعد ما قتلنا مامة نورهان أخذت العصاية وسابتها في الدور الأول وطلعت تجري على المستشفى عشان تعمل فيلم أن مامتها مصابة، وإن شخص مجهول هو اللي عمل كده، وأنا أخذت معيا الحاجات اللي كانت في الكيس، وهي المخدة وملاية السرير والفوطة والشاكوش والسكينة والعصاية والنظارة بتاعت مامتها، بس نسيت وأنا نازل أخذ التيشيرت بتاعي اللي قلعته على السرير واللي كان مليان دم.

وأضاف: “رحت عند كلية التربية الرياضية عشان أحرق الحاجات اللي كانت في الكيس وكان معيا ولاعة روحت مولع في الحاجة بعد ما وديت التليفونات البيت، ورجعت تاني على العمارة فلقيت أبوها جاي بيجري سلمت عليه عادي بعدها سمعنا صوت صريخ جامد فوق فطلعت أنا وأختي ابتسام وبنت عمتي نجاة، وبعدها قالوا لي يلا تعالي نمشي عشان الحكومة هتيجي وإحنا ملناش دعوة، رحت راجع معاهم البيت ثاني وبعد ساعة جت الحكومة أخذتني بعد ما اكتشفوا من خلال التيشرت بتاعي أن أنا اللي قتلتها بمساعده نورهان”.

يذكر أن النيابة العامة ، قد أحالت المتهمة نورهان خليل والتي تبلغ من العمر 20 عامًا ، والتي قتلت أمها بـ محافظة بورسعيد إلى محكمة الجنايات وحددت المحكمة الدائرة الثالثة لنظر القضية في يوم 14 يناير الجاري من عام 2023 ، وأحالت كذلك النيابة العامة الحدث حسين فهمي الذي لم يتجاوز الـ 15 من عمره إلى محكمة جنايات الأحداث، وتنظر المحكمة ثاني الجلسات في 15 يناير الجاري ، ووجهت للمُتهمين تهمة القتل العمد مع سبق الإصرار.