عفاف مصطفى توجه نصيحة لجمهورها بعد ارتفاع الاسعار
حرصت الفنانة عفاف مصطفى، على مناشدة جميع المقتدرين لإعالة بعض الأسر الفقيرة بقدر المستطاع، بعد ارتفاع أسعار الدولار، مؤكدة أنها تقدم المساعدة من قبل ارتفاع الأسعار بقدر استطاعتها.
عفاف مصطفى توجه نصيحة لجمهورها بعد ارتفاع الاسعار
وكتبت عفاف مصطفى، عبر حسابها الشخصي بموقع التواصل الإجتماعي “فيسبوك”، قائلة:" ظروف صعبة بسبب الأسعار، فواجب على كل مُقتدر إعالة أسرة فقيرة أو أكثر بشهريه بقدر المستطاع اللي هيقول إعملي أنتِ الأول.. أنا ربنا وحده شاهد بعمل إيه ومن قبل كده".
وكان الفنان ياسر جلال أعلن عن تبرعه بمبلغ ثلاثة ملايين جنيه لصالح صندوق تحيا مصر، حيث تعد هذه هي المرة الأولى التي يقوم فيها ياسر جلال، بالإعلان عن التبرع.
وقال ياسر جلال في بيان له: "المرة دي بعلن عن الجهة والمبلغ اللي اتبرعت بيه لأني بتمنى إن كلنا نشترك ونعمل اللي نقدر عليه وبدعي زملائي النجوم إنهم يتبرعوا باللي يقدروا عليه، أنا عارف أن في منهم عمل الموضوع قبل كدة بس لو عملوا ده تاني يبقي شيء عظيم".
وأضاف: "يعلم ربنا إن السبب اللي خلاني أعمل كده هو الأزمة اللي بتمر بيها مصر دلوقتي، أنا راجل لا غاوي شهرة ولا نجومية أنا بشتغل وبخلص شغلي وبروح أقعد مع مراتي وأولادي وبعمل ده لأن كلنا شايفين إن البلد بتمر بأزمة كبيرة والعالم كله بيمر بأزمة كبيرة، وإن شاء الله الأزمة تعدي لما كلنا نقف جنب بعض"، وحرص على إنهاء حديثه بالدعاء لمصر.
