نجل الفنان محمد عبد الحليم: "بابا مش بيشحت وكان قاعد بيشم هوا قدام البيت" (خاص)

بعد تداول منشور له على مواقع التواصل الإجتماعي ، ومطالبه عدد من رواد مواقع التواصل الإجتماعي بإيجاد فرصة عمل له ، تواصلت " مصر تايمز" مع الفنان محمد عبد الحليم الذى توجه بالشكر لكل من اهتم به وتابعه ولكنه وجه رسالة عن طريق نجله تامر قائلا " بشكر كل الناس ورد الفعل اللى لقيته على مواقع التواصل الإجتماعي بس أنا مش بشحت وكنت قاعد بشم هوا قدام البيت"

وقال نجله تامر فى تصريحات لـ" مصر تايمز":" بابا كان بيشم هواء قدام بيته مش قاعد بيشحت زي ما الناس كاتبه و كل اللى عايزه شغل مش محتاجين أي مساعدات ولا أي حاجه من حد عشان الكلام ده ضايقنا جدا وبابا حالته الصحية تعبت بسبب الكلام ده".

وعبر تامر عن انزعاجه من المنشور المتداول لوالده قائلا" انزعجنا من كلام البنت اللى نزل فى المنشور ..أبويا عايش بمعاشه وزى الفل وكمان فى بوستات سببت حالة نفسية سيئة لوالدى اللى مكتوب فيها ارحموا عزيز قوم ذل".

يذكر أن الفنان محمد عبد الحليم تخرج من المعهد العالي للفنون مسرحية وعضو فى نقابة الممثلين.