"أجرها 6500 جنيه يوميًا".. تفاصيل صادمة لمساعدة دينا الشربيني
كشفت مساعدة المخرج ندى منير عن كواليس صادمة عن أجر مساعدة الفنانة دينا الشربيني، مشيرة إلى أنها تقبض في اليوم 6500 جنيه.
وكتبت ندى منير عبر صفحتها على موقع التواصل الإجتماعي “ فيسبوك” قائلا :" شهاده حق ..دينا الشربيني معملتش محضر للذهب اللي مسروق ..المساعدة هي الي خلصت رزقها من الستر وراحت تبيعه والناس شكت لأن المسروقات مميزة وبلغت البوليس وقبضوا عليها في الوقت ده دينا كانت في دبي في بروجكت هناك كلموها من مكتب رئيس المباحث كان المحضر اتعمل وهي اعترفت بالسرقة فتحولت للنيابة".
وتاعبت :" دينا قطعت سفرها لشغلها ورجعت امبارح علشان تطلعها من النيابة وقالت بالكدب إنها اديتهم ليها علشان خاطر متتحبسش وراحت القسم بعديها علشان يطلعوها علشان تروح عزاء أمها الي ماتت من تصرفات بنتها ".
أضافت ندى منير:" للعلم قبضها في اليوم 6500 جنيه بتقبضهم من الانتاج اللي حقيقي مفيش مخرج منفذ قبضه كده في اليوم يعني المساعده ده مش فقيرة ولا هي مظلومة هي انسانة طماعة وأذت دينا كتير جدا وكانت بتطلب حاجات علي اسمها من الإنتاج تحت مسمي الأستاذة عايزه كده وكل إنتاج مصر اللي اشتغل معاها عارف اللي بحكيه ده ".
و واصلت:" كفاية بقي المتاجرة بالناس وكفاية بقي فكرة أصل علشان فقيرة وترديد الكلام زي الببغان .دينا قطعت سفرية شغلها وأنكرت سرقتها وهي المجني عليها علشان تنقذها من السجن دينا فضلت مصممة انهم يفرجوا عنها وطلعتها من القسم علشان تلحق عزاء أمها من واحدة حقيقي ظروفها متخليش توصل نفسها لده مفيش دكتور في مصر قبضه 6500 جنيه في اليوم فهي مش فقيرة ومش غلبانة. الغلبانه حقيقي اللي معمول شوشره عليها ظلم من واحده سرقاها وهي الي أنقذتها من السجن وتنازلت عن حقها".
