"فتح عينه وقالي يا ماما".. نجل الكاتبة رضوي العوضي يفيق من الغيبوبة
أعلنت الكاتبة رضوي العوضي مستجدات الحالة الصحية لنجلها يوسف الذي تعرض لحادث بعد أن صدمه شاب متهور بسيارته، نتج عنها دخوله في غيبوبة.
"فتح عينه وقالي يا ماما".. نجل الكاتبة رضوي العوضي يفيق من الغيبوبة
وقالت الكاتبة رضوي العوضي، "يوسف ابني رجع.. ايوه هو يوسف ده اللي اخباره كل الناس بتدعيله فيها علشان يقوم بالسلامه.. فتح عينه وقاللي ياماما يوسف بخير يارب الف حمد وشكر ليك ياارحم الراحمين ياعظيم ياكريم ..ارجوكم متبطلوش دعاء ليوسف انا ببركة ربنا وبفضل دعاكم هعيش تحت رجليه هشوفه تانى قدامي علشان دعيتوا من قلبكم لابني وربنا صدق دعاكم انتوا كنز كبير في دنيتي ربنا انعم عليا بيه شكرا ليكم شكرا لفضلكم بالدعاء..شكرا لمستشفى الجلاء العسكري انتوا عارفين الناس دي عملت لابني ايه بعد ربنا الناس دي انقذت ابني واللواء الدكتور علاء غيته رئيس مجمع الجلاء الطبي اهتم بابني وفضل يتابع الحالة ويطمني ويقولي متقلقيش ده ابننا .ربنا صاحب المعجزات فضلك كبير يارب كرمك كبير يارب الف حمد وشكر متبطلوش دعاء ليوسف انا راضيه بكل شئ واى شئ بعد كده عارفه المشوار طويل بس مؤمنه ان ربنا مع يوسف ومعايا فيه وانتم جنبي".
