دي قلة أدب.. دعاء فاروق تهاجم رجل انتقد عدم ارتداء أختها للحجاب
هاجمت الإعلامية دعاء فاروق متابعيها من الرجال ممن يعلقون على منشوراتها وينتقدون النساء وكانت واحدة منهن هى أختها التى تعرضت للانتقاد بسبب عدم ارتدائها الحجاب.
حيث قال أحد متابعي دعاء لها على منشورها “هو مراجعه التناقضات بقت هيافه ولا ايه استاذه دعاء مش فاهمين والمفروض حضرتك شخصيه عامه لاكن كلام الراجل عن وعظك للناس في حياتك فين احنا مش عاوزين نخش في مجادلات كتير ولا تنظير لاكن لما حد بيتكلم ويقول لما مثلا اختك مش محجبه زي ما هو قايل في كلامه ليه تحتسب تنظير وتؤخذ ع غير طيب خاطر ويكون فيه نقاش بينك وبينه يبين حجم مسؤوليتك المجتمعيه ال انتي اكتسبتيها بظهورك كداعيه أو مقدمه لبرامج دينيه أمام الشاشات”.
لترد عليه دعاء فاروق قائلة" اه اختي مش محجبة يا فندم اختي مش محجبة انت وهو مالكو بحجابها من عدمه ؟؟؟؟ اه ده اسمه تنظير وتقليل من الاخلاقيات وبتشاور ليه علي نقص في اي حد انت مين عشان تمشي تشاور علي مخاليق ربنا تقول شوفتوا اللي مش محجبة انت وهو مين اصلا ... ممنوع راجل يدخل يعلق علي ست قولا واحدا عشان دى اسمها قلة أدب وتدخل فيما لا يعنيه ... تحب امسك لك مراتك وهي في أي مكان أشاور لها علي مساوئها او نواقصها اصل اكيد مفيش بشر كامل من مجاميعه تعالي امسكلك النقص اللي عندك واحاسبك عليه يالا قدام الناس عشان تنبسط .. ممنوع قولا واحدا".
