عمر كمال للمتنمرين عليه: "مش بتكسف من شكلي وأهم حاجة بقيت إيه"

نشر نجم المهرجانات عمر كمال على موقع التواصل الاجتماعي "فيس بوك" صورة قديمة له، ووجه رسالة لمنتقديه والمتنمرين عليه بسبب شكله .

وقال عمر كمال: " كل ما أحط بوست وممكن الناس تشوف  بعنيها  عشان محدش يقول ده بيحور و بيعمل بوست وتريند  ألاقى ناس كتيرة حطالى صورتى اللى ع اليمين ف الكومنتات من باب السخرية .. حتى الصورة اللى منزلها لوالدتى وبعبر عن حبى ليها عشان عيد ميلادها منزلين الصورة من باب السخرية .. فا عايز ارد عليهم".

وأستطرد: " أقولهم والله الحمد لله على شكلى ف جميع  مراحل حياتى وديه حاجة انا مش بتكسف منها و ادينى نزلت الصورة اهو للناس ف بوست عشان تشوفها ومش مكسوف .. والصورة اللى ع اليمين ديه  لانسان كان معندهوش رفاهية انه يروح للدكتور يتابع معاه رچيم  او يروح للچيم او حتى عنده وقت يفكر ف شكله.. انسان كان كل همه يشوف السرير بعد يومه الطويل عشان يصحى ليوم تانى أصعب".

وتابع: "مش مهم كنت أيه المهم بقيت أيه اشتغلت على نفسى وبكرم وفضل ربنا اشتغلت الحاجة اللى بحبها .. وركبت العربية اللى بحلم بيها .. وكونت نفسى .. وعملت وضع واسم لنفسى .. وربنا جعلنى سبب ف انى شايل مسئولية ناس وفاتح بيوت ناس كتير من غير جنيه من بابى ومامى ولا مساعدة حد غير ربنا ثم دراعى".

وأنهي عمر كمال كلامه: " أشك لو انت انسان عندك حاجة مفيدة ف حياتك تعملها او  عندك هدف ف حياتك ان يبقى عندك وقت تدور على صور حد وتسخر منه .. صدقنى الحياة مفيهاش وقت تضيعه ف الكلام ده شوف حاجة أفيد واعملها".