مواطن يحذر من تطبيق أوبر بعد النصب عليه وسحب مبالغ مالية من بطاقته الائتمانية
فوجئ أحد المواطنين بوقوعه فى فخ عملية نصب بعد تسريب بياناته من شركة "أوبر".
مواطن يحذر من تطبيق أوبر بعد النصب عليه وسحب مبالغ مالية من بطاقته الائتمانية
وقال صاحب الواقعة " تحذير .. تطبيق أوبر مصر عمل كارثة معايا كنت عامل شكوى تخص رحلة معينة عبر التطبيق ، وبالفعل التطبيق طلب رقم للتواصل، وقد كان اديتهم رقمي، وبعد يومين لقيت رقم بعتلي على الواتساب ، أنا أسماء من الدعم الفني لأوبر، وعملت معاها بعض الخطوات ولقيت نفسي بالفعل فيه تعديلات تمت على التطبيق ولكن التطبيق خرج فجأة.
وتابع ، " بالتالي سجلت من جديد وقالت لي دخل بيانات الكريدت كارد على التطبيق علشان تتم عملية دفع والفلوس هتترد على حسابك مرة أخرى ، لأنى فعلياً كنت دفعت قيمة الرحلة كاش مسبقاً، ودا كان سبب الشكوى، إني دافع الفلوس كاش ولقيت التطبيق جايب عليه نفس المبلغ مرة ثانية. لحد هنا الأمور تمام.. النهاردة الفجر تقريباً الساعة 3.45 صباحاً وصلني أكثر من رسالة من بنك cib أنه تم خصم أكثر من مبلغ طوال فترة الليل، اقتربت المبالغ المخصومة قرابة ألف جنيه لحد دلوقتي ، عبارة عن 4 عمليات دفع متتالية لحساب شركة أوبر ، وأنا أصلا مش موجود في القاهرة ومنفذتش أي رحلات طوال الليل.
وقال" بتواصل دلوقتي مع رقم اوبر اللي كان متابع معايا لكن الرقم بقى مغلق، كلمت بنك cib المحترم وتم وقف الكارت بتاعى علشان ننقذ الموقف ونوقف عمليات الخصم اللي بتتم من الكريدت كارد.. مرفق سكرين من بداية الشات مع رقم أوبر اللي تسبب في الكارثة دي وكمان مرفق سكرين من إحدى عمليات خصم 155 جنيها في الساعة 3.45 صباحاً ببعت رسائل من مبارح للرقم ولكن لا يوجد استجابة".
