لميس أحمد راتب تشارك فى هشتاج بصوره فوتوشوب مع أحفاده " انا بجد حاسة بوحدة من بعد بابا "

تداولت بعض السيدات من رواد مواقع التواصل الاجتماعي "فيس بوك" على إحدى الجروبات المغلقة الخاصة بالسيدات فقط هاشتاج"imovedonandsoyoucan" ، وشارك العيديد من الفتيات بقصص وحكايات مؤلمه مروا بها فى حياتهم مثل الخيانة والفراق والطلاق وهكذا.

وشاركت لميس أبنه الفنان الراحل أحمد راتب فى الهاشتاج ، ونشرت صوره لوالدها برفقة أحفاده مصنوعه فوتوشوب ، لان والدها توفى قبل رؤية طفلها الصغير ، وعلقت لميس قائلة :" انا فعلا كنت محتاجة اكتب و اعبر و اقول اللي جوايا انا يمكن مش بتكلم كتير و اللي ف قلبي مش علي لساني اوي بس انا بجد حاسة بوحدة من بعد بابا.. بابا كان اطيب انسان علي وجه الارض ، محستش ولا هحس ان في حد ممكن يحبني الحب ده كله من بعده".

وتابعت لميس قائلة :" ابني الكبير كان روحه في جده و كان بيعمل له كل حاجة لدرجة انه قبل ما ينزل المستشفي ابني طلب منه يقطع له تفاحة و قام و هو مستني الاسعاف تيجي و قطعها له ، الصورة دي اختي عملتهالي ف عيد ميلاد ابني الصغير عشان لما يكبر يلاقي له صورة مع جده ، انا بجد حزينة انه مشافش ابني التاني اللي انا متاكده انه لو كان موجود كان هيبقي غالي عنده اوي. النهاردة ، و بعد ٤ سنين من وفاته لسه مش مستوعبة و كل فرحة لينا ناقصة.مافيش حاجة هترجع زي الاول لان ببساطة اصل كل حاجة و مصدر السعادة سابنا و مشي ادعو له و ادعولي " .

 ويذكر أن الفنان الراحل أحمد راتب قام بالعديد من الأدوار المؤثرة وأدوارلا تنسي منها ، دوره المميز في مسلسل " المال والبنون " حيث جسد شخصية السحت، وأيضا دور الكحيت وهي الشخصية الشهيرة التي ابتكرها الكاتب الراحل أحمد رجب ورسمها بريشته مصطفي حسين وقدمها أحمد راتب دراميا وحولها من كاريكاتير لشخصية درامية مؤثرة ونال الفنان أحمد راتب جائزة مهرجان الإذاعة والتليفزيون عن دور" القصبجى" فى مسلسل أم كلثوم، والحق أنه برع فى أداء هذه الشخصية شكلا ومضموما وهي أحد أهم أدواره في الدراما التليفزيونية