اهمال وسوء خدمة شركة "جو باص" يتسبب فى إصابة طفلة بالوجه
تعرضت طفلة أحد الزملاء الصحفيين للإصابة بسبب اهمال شركة جو باص وسوء خدمتهم.
اهمال وسوء خدمة شركة "جو باص" يتسبب فى إصابة طفلة بالوجه
وقال الزميل إسلام سعيد ، صاحب الواقعة ،"الشركات في مصر لا تعرف شئ عن حقوق المستخدمين والمستهلكين..تجربة سيئة وقاسية مع شركة مفروض إنها كبيرة، "شركة جو باص".. الشركة مثال حقيقي لكل معاني إهدار حقوق الإنسان..حجزت معاهم رحلة من القاهرة للسخنة... وموعد التحرك من الجيزة كان الساعة 9 ونص والباص اتأخر ل 10.35 دا مكنتش مشكلة يعني عادي كل الشركات بتتأخر واحنا اتعودنا منهم دا.. الكارثة الإنسانية والحقيقة في رحلة العودة، أنا حاجز في موعد 2.15 مع جو باص ودافع فلوسي مقدما، وانهيت إجراءات الخروج من الفندق الساعة 12 يعني أنا فاضي ومنتظر الباص يجي في موعده 2.15 أمام الفندق.
وتابع ،"واقف من الساعة 2 قدام الفندق لحد 2.30 ومفيش عربية جتب، كلمت خدمة العملاء ، كان ردهم " معلش يا فندم السواق جه عند الفندق وانتظر عشر دقائق ومشي".. رديت عليهم يعني السواق وصل 2.15 بالدقيقة وانتظر عشر دقائق يعني مشي 2.25 وأنا بكلمك 2.30 وتقولي السواق اتحرك من الفندق بقاله ربع ساعة.. وعندهم كل المكالمات مسجلة بتوقيتها.. وأنا واقف قدام الفندق من الساعة 2 وجنبي مكتب الأمن لفندق كنكون المحترم ويشهدوا على هذه الواقعة، لدرجة سألتهم اكتر من مرة مفيش اي عربية جت من جو باص والإجابة لا مفيش.. موظفة خدمة عملاء جو باص، معرفتش تقنعني بكلامها الغريب دا ، قولتلها أنا واقف على الطريق دلوقتي ومعايا مراتي وبنتي إزاي هرجع القاهرة ، كان ردها ثواني هحولك على مديري، بعد انتظار طويل كلمني حد " أهلا يا فندم اتفضل اقدر اخدمك إزاي " .. طب هو أنا هشرح من الأول حرام عليكم".
وقال " وأنا بكلمه حصلت الكارثة الكبرى، سيليا بنتي تقع على رصيف الانتظار قدام الفندق ، ويحصل جرح قطعي فوق عينها مباشرة، يتطلب نقلها لأقرب مستشفي علشان نتعامل مع الوضع والمصيبة دي.. رجعت جرى لدكتور الفندق قالي لازم تتعمل خياطة تجميل وتروح اقرب مستشفى ، أنا هوقف النزيف دلوقتي وتشوف أي وسيلة تروح بيها اقرب مستشفى.. طبعاً اقرب مستشفى في السويس على بعد أكثر من ساعة ونص.. هنا ايدي اتكتفت مش عارف انقل بنتي ولا ارجع القاهرة، ربنا هداني وعرفت اجيب رقم مدير في شركة جو باص ، كلمته قلتله هدفع أي تكاليف بس ساعدني انقل بنتي للقاهرة، وكان الرد مفاجأة " يا فندم احنا هنتتبع GbS اللي في العربية ونتأكد هل السواق راح الفندق ولا لأ، وهخلي حد يكلمك دلوقتي" واختفي المسؤول ومحدش لا اتصرف ولا وفر عربية بديلة ولا أي شئ... وكأن لسان حالهم أخبط رأسك في اقرب حيط أنت هتقرفنا ب ال 600 جنيه اللي دفعها.
واستطرد ، "المفاجأة الأخرى ، كنت كلمت خدمة العملاء الساعة 11.7 صباحا يعني قبل موعد الرحلة بكتير وقبل المصائب دي كلها، والمكالمات أكيد مسجلة عندهم ، قلتلهم مفيش أي وسيلة تواصل مع السائق علشان أتابع معاه.. والرد "لا يا فندم مفيش تواصل بين العميل والسواق وهو هيوصل في معاده وبينتظر حضرتك الواقعة دي حصلت يوم الخميس 2 فبراير 2023 الساعة 2.30".
