إسلام إبراهيم: "بجد مهنة التمثيل بقت قاسية جدا "
الخميس 03/ديسمبر/2020 - 12:22 ص
نشر الفنان إسلام إبراهيم على موقع التواصل الاجتماعي " فيس بوك" صورته من حفل إفتتاح مهرجان القاهرة السينمائي في دورته الـ 42، وكتب معلقًا: "مالها البدلة يا جماعة مش فاهم ولا عشان انا اللي لابسها فمن حقك تشتم وتجرح".
واستطرد:" حتي لو انا ما اساءتلكش في حاجة أوغلطت فيك اللبس ده حرية شخصية البدلة كحلي في ابيض عادية جدا انا شايفها حلوة ومازلت شايفها حلوة، بجد مهنة التمثيل بقت قاسية جدا ومش أي حد يتحملها والتنمر اللي بيتعرضولوا الفنانين بقي لا يحتمل".
وتابع: " ومحدش يقولي متردش أنت شخصية عامة أنا في الأول والأخر بني ادم وبردوا مش هتقدروا تهزوا ثقتي في نفسي أو في ربنا، أكيد مش كل الناس مقصودة بالبوست بتاعي بفضل ربنا في ناس كتير بتحبني وبتحكم عليا من خلال فني اللي بقدمه وبس ربنا يخليكوا ليا ويكتر من امثالكم".
