الرئيس السيسي يكشف خطة الدولة لزيادة الإنتاج المحلى من زيت الطعام

قال الرئيس عبدالفتاح السيسي، إن مصر تستورد 2.5 مليون طن زيت طعام، وهذا الرقم يمثل نسبة 90 % من حجم احتياجات الدولة، مضيفا: "بنستورد 2.5 مليون طن زيت وده اكتر من 90 % من احتياجاتنا وشغالين في خطة لزراعة 52 ألف فدان فول صويا.. والعام القادم 500 ألف فدان فول صويا لزيادة حجم إنتاج الزيت من فول الصويا.. وعلشان الفلاح المصري يستفيد بدل ما بنشتريه من بره".

الرئيس السيسي يكشف خطة الدولة لزيادة الإنتاج المحلى من زيت الطعام

وأضاف الرئيس السيسي خلال افتتاح مصنع سايلو فوودز للصناعات الغذائية بمدينة السادات: "متنسوش أن البلد خلال 40 سنة زادت بنسبة كبيرة جدا.. وكمان الدولة مقدرتش تعمل خطط وتنفذها تجابه بها هذا النمو الكبير".

ةطمأن الرئيس عبدالفتاح السيسي، جمع المصريين، بتوافر السلع قائلا: "أطمئن الجميع بأن السلع موجودة ومفيش فيها مشكلة، والأزمة اللى مرت علينا خلال 4 شهور إن شاء الله متجيش تاني ، ونكمل طريقنا بشكل أفضل مما كنا عليه".


أضاف الرئيس السيسي  "بس الدكتور علي مصيلحي مش قادر يسيطر على الأسواق وده كلام مهم يا دكتور علي، والبرلمان كلموك في الموضوع ده، وده كلام مهم صحيح بس عاوز أقولكم النهاردة بيتكلم تبعه هو 30 ألف منفذ غير منافذ القوات المسلحة ووزارة الداخلية يخش في 40 ألف منفذ ده علشان يحاول يخفف من حجم الأزمة الكبيرة اللى بنتكلم فيها على مستوى العالم.

واصل الرئيس: "لو تصورتوا كدولة سواء التموين او الداخلية تقدر تقوم بدور وتسيطر على ده ده صعب لكن احنا كمواطنين لو لقيت المحل ده غالي متشتريش منه ونبقا ادناهم الدرس طالما بتغلي في اسعارك اكتر من غيرك بلاش منها خالص مع جهد الرقابة في التموين ووزارة الداخلية.

ومازح الرئيس الداخلية قائلا: "مش مستريح كل يوم وزارة الداخلية تطلع مسكنا ومسكنا، مطلع شكلنا وحش قوي كل يوم في النشرة يقولك مسكنا معرفش كام واحد، ما تمسكهم وخلاص".