بيستغلوا الأزمة.. مواطن يحذر من ارتفاع الأسعار فى هايبر وكارفور عن المحلات العادية

حذر مواطن من الأسعار المتواجدة بمحلات شهيرة وهي كارفور وهايبر ماركت ، موضحا إنهم يغالون فى الأسعار عن المحال العادية ، على حد قوله.

وقال صاحب الواقعة ،" هايبر ماركت وكارفور من اسباب الازمه الاقتصادية الحالية في مصر،  من شهور قرروا انهم يبيعوا كل السلع والمنتجات اغلى من السوق،  لدرجة بيع بعض المنتجات اغلى من الماركت اللى بيبيع قطاعى ب 10 و 15 جنية، كمثال انواع الجبنه البيضاء النص كيلو والكيلو، يعنى الماركت القطاعى يبيع النص ب 29 جنية وهايبر وكارفور ب 45 جنية، يعنى فيه فرق 16 جنية في كل نص كيلو، رغم ان قبل بداية الازمه كان العكس اللى بيحصل مثال تانى  ..  البانية في كل المحلات ب 140 حتى 170 جنية، لكن في كارفور مول مصر ب 240 جنية،  يعنى زيادة في الكيلو 70 جنية عن اغلى محل في اى مكان تانى، كمان فيه فرق مثلا 10 جنية في ربع كيلو الشاى في بعض الانواع، الجبنه الرومى 260 و 280 جنية، والجبنه الفلامنك ب 400 جنية  ..  انواع اللحمة بتوصل في كارفور ل 320 جنية، رغم ان اعلى سعر عند اى جزار في مصر ب 250 جنية، يعنى فرق لا يقل عن 70 جنية في الكيلو الواحد".

وتابع ،" هايبر ماركت بيكسب عشرات الملايين على مكسبة الطبيعى من الازمة الموجود في السوق حاليا، ونفس الحال كارفور بكل فروعه، الغربية ان كارفور وهايبر بيتعاقدوا مع الشركات باسعار جملة، يعنى بياخدوا السلع والمنتجات بسعر اقل بكتير من الماركت القطاعى، ومع ذلك بيبيعوا بسعر اكبر بكتير من الماركت القطاعى، بدون اى مبرر مفهوم.