السيسي: قلت لوزير الكهرباء في 2014 لو أزمة الكهرباء ماتحلتش البلد دي هتخرب وتضيع
قال الرئيس عبدالفتاح السيسي، إن مصر كادت أن تضيع إذا لم يتم حل مشكلة الكهرباء، موضحاً أن أزمة انقطاعات الكهرباء ظلت سبع سنوات كاملة، وتم العمل عليها.
السيسي: قلت لوزير الكهرباء في 2014 لو أزمة الكهرباء ماتحلتش البلد دي هتخرب وتضيع
وأضاف الرئيس السيسي، "قلت لوزير الكهرباء في 2014 لو الأزمة ماتحلتش البلد دي هتخرب وتضيع"، موضحاً أن حجم الإنفاق في هذا القطاع بلغ 1.8 تريليون جنيه، وقت أن كان الدولار بـ8 جنيهات، وارتفع لاحقا إلى 15 جنيها، بما يعني إنفاق 150 مليون دولار.
قال الرئيس عبدالفتاح السيسي، إن أي دولة تسقط يكون من الصعب نهوضها مرة أخرى، ومصر لم تسقط خلال السنوات العصيبة التي مرت بها منذ 2011 "لأن دي إرادة ربنا"، جاء ذلك في كلمته خلال جلسة حوارية ضمن فعاليات القمة العالمية للحكومات بإمارة دبي، اليوم الاثنين.
وبدأ الرئيس كلمة بالحديث عن تجربة مصر خلال السنوات الماضية، موجهًا التحية والتقدير للشيخ محمد بن زايد رئيس دولة الإمارات، والشيخ محمد بن راشد نائب رئيس دولة الإمارات وحاكم دبي.
وأضاف: "احنا في مصر، بنتكلم على 2011 كبداية، بتكلم مش للمتخصصين والمفكرين، للشعوب، التجربة بتاعتنا بحكيها للناس، المتخصصين يعرفوا التجربة، لكن مهم أوي يبقى فيه وصال بينا، مصر موجودة هنا عشان تحكي حكاية حكومة مصر في 12 سنة.. قلت أبدأ بتاريخ 2011 عشان ده تاريخ حاسم وكاشف، وكانت مصر تعرضت زي دول كتير، ومحدش نجي إلا مصر، لو جيت أكلمكم، هكلمكم على التحديات المتوازية، مفيش تحدي قبل تحدي، على خط واحد، يعني معنديش أولويات، أنا عايز أجابه التحديات، مقدرش أقول أخد دي وأسيب دي".
وتابع: "التحدي الأولاني هو حالة التشرذم وفقد الأمل واليأس اللي كان بيعاني منها المصريين، ودي حالة مش وليدة 2011، دي حالة اتعملت على مصر من ناس جوة مصر، كان متهيألهم لما الدولة تقع هتبقى في إيديهم، لكن الدولة اللي بتقع مش بترجع، طب مصر رجعت ليه، دي إرادة ربنا، طب الحالة دي حلها إيه، طب فيه تحديات أخرى، أه طبعا، تحدي الطاقة".
