حدفنا الأطفال من الشباك.. هوس الثراء السريع يشرد أسرة بأكملها في القليوبية (فيديو)

شهدت منطقة القناطر، في محافظة القليوبية، واقعة مأساوية، حيث كان هوس الثراء السريع سبب في تشريد أسرة بأكملها، تقيم في الشارع وبحضانتهم أطفال في عمر الزهور، ينتظرون معاقبة المسئول عن ذلك.

والتقي مصر تايمز، بالأسرة المشردة والمقيمة بالشارع، وبدأت الأم شكواها مما تعرضت له، فقد انهار المنزل عليها ولم تجد سبيل للفرار منه إلا بحدف أطفالها من النافذة، وقالت "لقيت البيت بيوقع والباب هبط لتحت مش بيفتح، حدفنا الأطفال من الشباك وهربوا، بنتي سنة و4 شهور والثانية 3 سنين نايمين في الشارع".

وأضافت جدة الأسرة المشردة، أن ابنتها تقيم في الشارع منذ أيام، بسبب قيام جيرانها بالتنقيب عن الآثار تحت منزلها، حيث قاموا بالحفر داخل منزلهم والاستكمال في ذلك أسفل منزل الجيران، مما أدى إلى تهالك الحائط وانهياره، وقالت "احنا مش عاوزين أذية لحد، احنا عاوزين بيت يلم الأطفال دي من الشارع".

وروي أحد أهالي المنطقة تفاصيل العثور على الآثار داخل منزل المنقيبين، وقال "البيت وقع ولما عرفنا انهم السبب سكتنا عشان حقنا يرجع، ولقينا احجار مكتوب عليها لغة فرعونية رأس تمثال واحجار كريمة، لما الشرطة جات اختفوا ولحد النهاردة هربانين، دول دافعين ٧٠٠ ألف جنيه في الحفرة، وقبل كدا حفروا وعمهم قالهم اردموا الناس بتشتكي".

واستكمل "شحات" جار الأسرة المنكوبة، حديثه قائلًا، "يوم الحادثة الصبح لقينا البيت مايل قالولنا ماسورة الميا، اول المركز ما جه هربوا، وتبين أن من سنة كانوا بيحفروا في اتجاه غير ، والسنة دي من الناحية التانية والبيت وقع، لحد النهاردة هربانين، الشيخ ضحك عليهم ودبسهم في الحفر، وطلع في آثار فعلا وقبل كدا واحد بيته وقع بس سكت والجمعيات التعاونية بتساعده، واحنا بنناشد المحافظ ووزير الداخلية دا ميرضيش ربنا".