والدة "ضياء" ضحية سائق المعادي: "كان معاه بنت بالعربية ومش مركز بالطريق"
كشفت التحقيقات في واقعة دهس الشاب محمد ضياء أثناء عبوره الطريق، من سيارة يقود سائقها بتهور وسرعة جنوينة، في منطقة زهراء المعادي بالقاهرة، تفاصيل جديدة حول الواقعة.
وينشر “مصر تايمز” التحقيقات بقضية دهس محمد ضياء التي حملت رقم 18392 لسنة 2022، وكانت قد ألقت الأجهزة الأمنية القبض على المتهم وتمت إحالته إلى جهات التحقيق، التي استدعت والدة الشاب محمد ضياء وجاءت أقوالها كالآتي:
ما صلتك بالمجني عليه؟
-أنا ياسمين محمد والدة الضحية محمد ضياء وأعمل ربه منزل سني 43 سنة.
ما معلوماتك بشأن الواقعة محل التحقيق؟
-اللي حصل إن جالي تليفون يوم الواقعة من أصحاب ابني محمد ضياء، بيقولوا انه فيه عربية خبطته وهما دلوقتي طالعين بيه على مستشفى مبرة المعادي في الإسعاف روحت على المستشفى وهناك عرفت أنه اتوفى علشان في واحد كان سايق العربية بسرعة فخبطه وعرفت من أصحابه إن الولد اللي خبطه كان معاه بنت في العربية، وتقريبا هي اللي كانت شغلاه وهو بيسوق بسرعة وكان بياخد غرزة ومش في باله اللي قدامه في شارع الخمسين بالمعادي، وروحنا على القسم علشان نكمل الإجراءات القانونية.
ماذا فعلتي بعد سماعك تعرض نجلك لحادث؟
-أنا لما وصلت المستشفى قالولي إن ولدي وواحده ثانية واحد خبطهم بالعربية وهما بيعدوا الطريق على الكورنيش، هو كان خارج مع أصحابه، وآخر مرة شوفته فيها امبارح الصبح قبل ما ينزل وكانت حالته الصحية جيدة وكان كويس جدا
هل تتهمي قائد السيارة بوفاة نجلك؟
معرفش إذا كان تعمد يخبط ابني بس أصحاب ابني بيقولوا انه كان معاه بنت في العربية فهو مكنش مركز في الطريق.
