"صيدليات العزبي مشغلين بلطجية عندهم".. مواطنون يحذرون من التعامل مع السلسلة الشهيرة
حذرت سيدة من التعامل مع صيدليات العزبي بسبب أسلوبهم فى التعامل مع المواطنين ، وسردت تجربتها فى صرف الدواء.
وقالت صاحبة الشكوي عن صيدليات العزبي"اسوأ صيدليه ممكن الواحد يدخلها يشوف منتهي قله الذوق وقله الادب واسلوب احقر ما يمكن من اللي مقعدينهم ببالطو ابيض دول يبيعو للناس ادويه ومقولتش دكاتره لان دول لا يمكن يكونو دخلو كليه الطب واتعلمو 6 سنين عشان يطلعو يعاملو المرضي بالشكل القذر دا بجد أدخل اي صيدليه ملهاش اسم ومش مشهوره هتلاقي معامله ادب وذوق واحترام..ادخل اي فرع من فروع صيدليه العزبي هتلاقي منتهي قله الذوق والتعالي والعجرفة واسلوب اقل ما يقال عنه عربجية فرع العزبي الشيخ زايد السرايا مول بجوار سعودي".
وتابعت عن صيدليات العزبي ،" متعودين نصرف دايما روشتات اكسا من الفرع دا لانه تحت الشغل وواخده منهم رقم واتساب ببعتلهم عليه الروشته والكارنيه بيبعتو يجيبو موافقه ويحضرو الدواء وبيبعتولي انزل اخده
يوم الاربع 22/2 الساعه1.37 بعد الضهر بعتلهم روشته كالمعتاد وقولتلها محتاجه اصرف الدواء دا طبعا اللي ماسكه الشيفت ف الوقت دا واحده متكبرة وبتكره نفسها اساسا ولينا معاها مليون سابقة بالاسلوب دا شافت الرساله ومردتش عليا اتصلت عالموبايل ردت عليا قولتلها بعت روشته عالواتس محتاجه اصرفها ردها(ماشي ماشي هنبقي نكلمك لما تخلص ) وقفلت لحد الساعه 2.28 محدش رد عليا بعتلهم تاني العلاج جاهز استلمه؟ محدش رد رغم انها اونلاين وشايفه رسايلي اتصلت 5 مرات مرضيتش ترد عليا استنيت للساعه 3.15 بعتلهم اوفيس بوي من عندنا باصل الروشتة والكارنيه والفلوس وقولتله معلش انزل استعجلهم لاني تعبانه ومحتاجه العلاج ضروري".
وقالت "نزلهم ف دخل عليها بيقولها بعد اذنك كنا باعتين الروشته دي عالواتس اب هل اتصرفت ولا لسه قالتلو بالدور مفيش حاجه اسمها واتس اب انت مش شايف قدامك ناس اد ايه قالها هيا بعتاها من الساعه 1 ونص قالتله لا لا مفيش الكلام دا الكلام دا مش صح وراحت ناتشه من ايده الروشته وقالتله لما تخلص هنكلمكو وادت الروشته للي واقف عالكاشير جنبها راح يقولها هاتي لما نشوف اخرة القرف دا ايه!!! طبعا طلعلي الراجل حكالي ومضايق جدا من الموقف روحت سيبت كل حاجه ونزلتلها قولتلها انتي ازاي ابعتلك حد تكلموه بالاسلوب دا وازاي يقولك باعتين من الساعه 1.37 وتقوليله مفيش الكلام دا هنكدب عليكي مثلا وروحت مطلعالها التوقيت من الموبايل ومورياها قولتلها انتي عايزه تفهميني انك من الساعه 1.30 ل 3.30 قدامك ال٤ عملاء دوا وممشيوش كل دا؟؟".
وتابعت عن شكوتها عن صيدليات العزبي،" ولا لازم عشان تصرفيلي انزل اقف قدامك علي رجلي نص ساعه لحد ما الدوا يتصرف منا بعتلك واتس يبقي اخد دور زيي زي الناس اللي واقفه انتي تعرفي ظروفي ايه ولا عارفه انزل ولا مش عارفه عشان تعملي كدا طبعا كل دا هيا مبتردش نهائي عشان عارفه ان دي مش اول مره تعاملنا بأسلوب زي دا ودي اخر تعامل مع صيدليه العزبي اللي عمرهم ما بيفكرو يدو للناس تدريب قبل ما يطلقوهم علينا ويعرفوهم يتعاملو ازاي مع الناس لان نفس الاسلوب دا متبع ف العزبي فرع روكسي مشغلين هناك شويه عربجيه بالحرف اقسم بالله عمرهم ما يكونو دكاتره ابدا".
