جمال سمير يعلق على قرار حبس مرتضى منصور
علق المحامي جمال سمير محرم ، علي قرار محكمة النقض بتأييد الحكم الصادر بحبس مرتضى منصور لمدة شهر بعد أتهامه بسب وقذف الكابتن محمود الخطيب رئيس النادي الأهلي، وأعضاء مجلس إدارة النادي الأهلي.
تعليق المحامي جمال سمير محرم المحامى علي قرار مرتضى منصور
وكتب عبر صفحته الرسمية علي "فيسبوك" : "وجهة نظر بطل من ورق توته توته خلصت الحدوته، أولا لو انت فرحان ان مرتضى اتحبس علشان القضاء والاحكام القضائية والجو ده مش هنتكلم فيه بس تبقى إنت غلطان تماما.
وتابع : "ثانيا ولو انت فاهم ان مرتضى راح الجلسة وهو مش عارف انه هيتحبس تبقى غلطان، هقولك وجهة نظري، أسهم مرتضى منصور الفترة الاخيرة بالذات بتضيع عند جماهيره واللي بيساعده مش لاقي ليها مخرج مع الانحطاط الأخلاقي و التجاوزات اللي هو بيعملها ومش ملاحقين عليه وتجاوزاته والنادي في حالة إنهيار فني ومالي وإداري".
وأضاف: "وطبعا السادة الافاضل المحامين عارفين ان الاشكال لا يوقف التنفيذ وانه واجب التنفيذ عليه وصال وجال في كل البرامج وراح المحكمة كذا مرة وخرج عادي وكان ممكن الجلسة تتحدد بعد فترة أو سنين وده عهدنا بمحاكم النقض خااااااصة ان المتهم مش محبوس طي ليه بالسرعة دي وراح بنفسه وهو عارف
طب إيه الحل".
وأكمل : "مرتضى هيروح الجلسة وهتحبس لأنه لا يجيد لا المرافعة ولا القانون و التهمة زي غيرها كتييير ثابتة عليه والاحتقان بزيااااااادة، بناء عليه يتم الضغط عالخطيب إنه يتنازل فالاحتقان يذذوب وتبقى لقطة ويبقى يا بخت من قدر وعفي ويبقى مرتضى إتبهدل وإتذل علشان جمهور الزمالك فيصعب عليهم ويرجع، بيته ويقعد في البيت هو وعياله وهيطلع يقولك انا مليش دعوة بالكورة والجماهير تسامحه".
وأختتم : "وتوته توته خلصت الحدوته ، ملحوظة الخلاف في الرأي لا يفسد للود قضية .. شكرا".
وتواصل "مصر تايمز" مع المستشار محمد بيومي خبير اللوائح، وأكد علي أن قرار حبس مرتضي منصور يعني عزله من منصبه لأن هذه التهمة مخله بالشرف، ويتولي نائب رئيس النادي إدارة النادي حتي أنتخاب نائب رئيس جديد أذا كانت المده المتبقيه في المجلس أكثر من 6 أشهر.
وتابع : "أذا كانت المده المتبقيه في المجلس أقل من 6 أشهر، يتم أجراء أنتخابات جديدة علي جميع المناصب، ويدير نائب رئيس النادي الأمور حتي تم أجراء الأنتخابات".
وشهدت مواقع التواصل الإجتماعي دعوات من جماهير الزمالك تطالب الكابتن محمود الخطيب بالعفو عن مرتض منصور.
وعلق مرتضي منصور رئيس نادي الزمالك، علي قرار محكمة النقض بتأييد الحكم الصادر ضده بحبسه لمدة شهر لاتهامه بسب وقذف الكابتن محمود الخطيب رئيس النادي الأهلي، وأعضاء مجلس إدارة النادي الأهلي.
وكتب مرتضي منصور علي صفحته الرسمية عبر موقع التواصل الإجتماعي "فيسبوك" : "اخيرا رئيس النادي الاهلي يسجن رئيس نادي الزمالك ، لاول مرة في تاريخ الرياضة ، رفض الطعن لكن في انتظار قرار قاضي السماء الله سبحانه وتعالي ".
وتابع : "لا تقلقوا عليا الاسود لا تخشي الموت وايضا لا تخاف من السجن ، الخطة كانت اسقاطي في الانتخابات بالتزوير قبلها عزلي من رئاسة النادي 4 سنوات وبعدها حل مجلس الادارة وكانت الخطوة الرابعة سجني ، هذة الخطوة تأخرت بعض الشئ ، الحمد لله ".
وأضاف : "عرفتوا وصدقتوا يا شعب مصر ويا جماهير الزمالك كان لازم اختفي تماما من المشهد السياسي والرياضي والاعلامي بأي ثمن ، ومع ذلك مصر وطني بحبها وفي ضهرها ، وياجماهير الزمالك ياللي اتفقتوا معايا او اختلفتم اقفوا ورا فريقكم ودعموه وان شاء الله هينتصر ، عرفتوا كان لازم اختفي من المشهد".
وأختتم : "ويا اعضاء الجمعية العمومية المحترمين هتوحشوني وخاصة الاطفال احبابي ، بشكر الجميع و احمد الله علي هذا الابتلاء".
