الرئيس السيسي يلتقي الأطفال المشاركين في برنامج "كابيتانو مصر"
التقي الرئيس عبد الفتاح السيسي، مع الأطفال المشاركين في برنامج "كابيتانو مصر"، وذلك ضمن جولته في محافظة المنيا، ووقع الرئيس السيسي على "كرة" خلال لقاء الأطفال.
الرئيس السيسي يلتقي الأطفال المشاركين في برنامج "كابيتانو مصر"
وشارك الرئيس السيسي، في صورة تذكارية جماعية مع الأطفال المشاركين في البرنامج الشهير لاكتشاف المواهب الرياضية.
وحرص الرئيس السيسي، على الحديث مع الأطفال والتأكيد على ضرورة التحلي بالصبر والعزيمة، والجهد والإصرار والتمارين والقرب من ربنا والإرادة والتحلي بالروح الواحدة.
تفقد الرئيس عبد الفتاح السيسي، عددا من وحدات الإسكان الاجتماعي ضمن مشروع سكن لكل المصريين، ضمن افتتاح عدد من المشروعات الجديدة بمدينة المنيا الجديدة.
كما تفقد الرئيس السيسي مدرسة المتفوقين بمدينة المنيا الجديدة وشاهد عدداً من العروض الفنية بالمسرح المدرسي.
قال الرئيس عبد الفتاح السيسي، متحدثا مع والدة شهيد من شهداء الوطن، خلال تناوله الإفطار مع أهالي قرية المعصرة بالمنيا، إن الاستقرار الذى حدث بمصر ثمنه أولاد وفتيات كثيرون من مصر.
وأضاف الرئيس السيسي، متحدثا مع أهالي القرية: "شوفتوا هنا فى المنيا وفي كثير من محافظات مصر من يقوموا بعمل فتنة علشان يخربوا بلادنا.. ولكن اللي دفع الثمن فى الاستقرار مش الإرادة بتعتنا ولكن كل أسرة مصرية قدمت ابنها ومحدش عرفها".
وتابع الرئيس السيسي: "اللي شغالين فى حياة كريمة دول مين.. احنا.. ودا مش معناه ان مفيش رقابة ولا متابعة لا لا.. ولكن اقصد اقول انتبهوا.. الأمر الخطير اللي اتعمل السنوات السابقة أدي ان البلد دي يحصل فيها مشكلة كبيرة فى 2011 انه جعل الحكومة فى مكان والشعب فى مكان وجعلها عدو.. فنعمل ايه فى العدو نهده".
وأكد الرئيس عبد الفتاح السيسي، أن الحكومة ليست بمعزل عن الشعب، وأنها جزء من الشعب والمراقبة والتنفيذ في المشروعات تكون بالتعاون بين المواطنين والحكومة، مشيراً إلى أنه في بعض الأوقات صدر البعض أن الحكومة بعيدة من الشعب وهذا أمر خطير.
وأضاف الرئيس السيسي، خلال تناول الإفطار مع أهالي قرية المعصرة: "الجهاز الإداري فيه 6 ملايين يعني 6 ملايين أسرة يعني 30 مليون مواطن.. لو الأسرة 5 أفراد أب وأم من 2 – 3 أطفال.. 30 مليون.. طب النهارده هنا في موظفين قاعدين معانا طبعا.. فيه هنا مسئولين أكيد.. انتى تقولي بقي هننتهز الفرصة إنك موجود وأكد على كل مسئول معانا في المنيا يخلي باله من شغله.. يبقي احنا كده بنتكلم كلام مناسب للظروف الحياتية بتاعتنا.. ويارب أقدر وأسمع وأعمل".
وتابع الرئيس السيسي: "كمان نقول لبعضنا هنا، إن أخويا وأبويا وابني اللى شغال في مكان ما، البلد محتاجة إخلاصك وأمانتك وعملك.. الإخلاص والأمانة والعمل.. وانتوا بتشوفوا دول أكبر مننا وأغلى مننا.. بتعاني من ده.. أتمنى من الله نفضل متماسكين شعب ودولة، واحنا من جانبها دولة تخفيف ما أمكن على الناس، احنا مع بعض بنعملها.. طول ما احنا بخير وسلام وأمان.. الحمد لله رب العالمين.. الحمد لله رب العالمين.. متشكرين وكل سنة وانتم طيبين".
وقال الرئيس السيسي، في نهاية كلمته: "أنا سعيد بيكم واتشرف بيكم.. اطمنوا على مصر بيكم.. مصر قايمة بيكم.. وبتطلع بيكم.. وهتطلع لقدام بيكم انتم".
