حورية فرغلي: "عملت 27 عملية في 8 سنين ولسه فاضل عملية"

حكت الفنانة حورية فرغلي عن الفترة الصعبة التي عاشتها وخضوعها لعدد كبير من العمليات لعلاج ما تعرضت له من إصابة في أنفها قبل أعوام، موضحة أنها لم تعد تهتم بما يقوله الناس عن شكلها.

حورية فرغلي: "عملت 27 عملية في 8 سنين ولسه فاضل عملية" 

وقالت حورية فرغلي خلال لقائها في برنامج "مساء dmc" من تقديم الإعلامية إيمان الحصري:"عملت 27 عملية في 8 سنين، وفاضل عملية واحدة لكنها ليست ضرورية وهي أن يكون شكل فتحة الأنف متماثل".

وتابعت :" أنا في الأول كنت أنفة جدا وبحب يكون شكلي في أحسن صورة، حتى في الفترة اللي كنت تعبانه فيها، لكن من سنتين مش عارفة إيه حصل أخدت ثقة في نفسي وبقول اللهم لك الحمد والشكر على اللي أنا فيه واللي مش عاجبه أي حاجة فيا يبص الناحية التانية ميبصليش".

 أضافت:" من سنتين كنت عايزة أموت، كان في كورونا والدكتور اللي ممكن يعالجني في أمريكا والسفارة مقفولة وأنا مناخيري مش مناخير ومش عارفة أكل ولا أشم ولا أبص في المرايا، فالحياة كانت زي الموت، مضيفة أنها استعادت حاسة الشم وأصبحت الآن في حال أفضل موضحة أنها في فترة كورونا كانت تتمنى الموت".