سيدة في دعوى خلع: "بيقبض 40 ألف جنيه وعايزني أصرف على البيت" (خاص)
أقامت سيدة تدعى "منى" دعوى خلع ضد زوجها "عاصم"، مطالبة بالتفريق بينها وبين زوجها؛ لاستحالة المعيشة معه؛ لأنه لايقوم بالانفاق عليها بالرغم من أن راتبه يتعدى الـ 40 ألف جنيه .
سيدة في دعوى خلع: "بيقبض 40 ألف جنيه وعايزني أصرف على البيت" (خاص)
وقالت الزوجة في الدعوى التى حملت رقم 1454 لسنة 2022 أمام قاضى محكمة الأسرة أنها تزوجت منذ عام وأنها تحب زوجها ولكن بأخر فترة أصبحت لاتتحمل أفعاله وبخله عليها في مصاريف المنزل.
وتابعت "منى": "أنا عشان بحبه حاولت أعدي كل دا وبعرفه على أصحابي وأزواجهم عشان يشوف الرجالة بتحب زوجاتهم أزاى وهيعقل ويبطل بخل بس برضه مافيش فايدة كنت في ضغط من أهلى أني اطلق منه ولكن قولت لأ عشان بحبه".
وأضافت: "أنا وهو بقينا بنتخانق كتير وطول الوقت في مشاكل ومش فاهمني ولما فلوسي تخلص وأقوله محتاجه فلوس للبيت يقولي خدي من أمك مع أنه شغال مهندس بتروا ومعاه فلوس كتير ومعرفش بيوديها فين وأنا مبقتش قادرة أعيش معاه نهائي".
واستكملت الزوجة أن بعد ذلك الموقف أصبحت لا تريده، وقررت التوجه لمحكمة الأسرة بشبرا، لرفع دعوى خلع ضد زوجها.
