أول تعليق من عدوية شعبان عبد الرحيم بعد تغيير اسمه لـ حسام (خاص)
كشف المطرب عدوية شعبان عبد الرحيم، عن سبب تغيير اسمه، مشيرا أن سبب ذلك هو اخوه عصام ومشاكله الكثيرة.
قال عدوية شعبان عبد الرحيم لـ “مصر تايمز” :" أنا حابب يكون اسمي حسام قاسم، بدل عدوية شعبان عبد الرحيم لأن لما يحصل مشكلة بيقولوا ولاد شعبان عبد الرحيم وأنا مش عايز تاريخ أبويا يحصل فيه تشويه".
وتابع عدوية :" أنا ليا أسمى وطريقتي في الغناء مختلفة عن أخويا عصام، وعندي موهبة مختلفة بحب أقدم الفن بطريقة معينه".
وكان عدوية شعبان نجل الفنان الراحل شعبان عبد الرحيم قد كشف عن تغيير اسمه بسبب التشويه لاسم والده ومسيرته الفنية.
وكتب عدوية شعبان على حسابه الرسمي بـ فيس بوك منشورًا، معلقًا: "يعني هو كل حاجة تحصل يقولوا ولاد شعبان، أنا قررت أغير اسمي من النهارده، أنا حسام قاسم الحقيقي ومعنديش استعداد أنزل من نفسي ومن قيمتي".
وأضاف عدوية: وقيمة أبويا كل يوم الناس تقولي أخوك عمل مع عامل النظافة، أخوك عمل مع واحدة حركات مش كويسة إحنا أكبر من كدة واسم ابويا استحالة يتبهدل بـ الطريقة دي".
اختتم": أنا ياجدعان اسمي حسام قاسم عبد الرحيم، ياريت بقي الباقي يحترم اسم شعبان عبد الرحيم وتعمله حاجة تشرف عشان إحنا عندنا عيال كبيرة بلاش خيابه.. اسم شعبان عبد الرحيم قيمة كبيرة جدًا الله يرحمك يا أسطورة".
