"شركة العربي فقدت الثقة".. سيدة تحذر من منتجات الشركة لسوء الخدمة
حذرت سيدة من منتجات شركة العربي بسبب سوء خدمة العملاء ، مؤكده انه لا يوجد أي ثقة أو شعور بالمسئولية.
"شركة العربي فقدت الثقة".. سيدة تحذر من منتجات الشركة لسوء الخدمة
وقالت السيدة فى شكوتها،" يعني دة يرضى ربنا الغسالة شوية وهتخرج م الاوضة! انا كنت منزلة بوست من كام يوم بنفس المشكلة وكان بفيديو برضو بالغسالة وهي بتتحرك... بختصار اشترينا هوفر من شهر وظهر العيب دة تاني يوم ع طول بعد مالفني ركبها، ومن ساعتها بقا بنتصل بخدمة العملاء والنهاردة تاااسع فني يجي يشوفها ومش بتتحل وبيلزقوا فينا العيب مرة البلاط ناعم (مع العلم ان الفني لما شغلها كلم حد قدامنا من الدعم الفني وقاله الحلة بتتحرك قدامي جامد وكان فاتح الغسالة من فوق ولما قولتله أنكر و غسل عليها مرتين مرة كانت ثابتة، ومرة جريت ولما قولتله طب البلاط لو ناعم ازاي مرة تثبت، ومرة تترج وتمشي قولتله دة عيب مصنع معرفش يرد)، ومرة تاني انتو بتكتروا فيها الغسيل ومرة انتو بتقللوا الغسيل خلينا الفني نفسه يحط الغسيل واتحركت قدامه، ومرة الغسالة مش موازنة ع الارض مع انه ظبط الرجول وبقيت مستوية وقسها بميزان مياه يعني المفروض تكون تمام برضو نفس الحوار وكنا حاطين قواعد وبرضو".
وتابعت عن مشكلتها مع شركة العربي ،" ومصممين ع انهم مش غلطانين المهم ف فني قالنا هي فيها عيب فعلا واحتمال تتبدل بعد كدة جه فني امبارح من فرع الشكاوى يعني المفروض اكتر واحد فاهم وشافها وهي بتتحرك المهم لما قولنا نبدلها قال لا... هو كدة حاجة من الاتنين يأما الشركة بتبعت ناس مش فاهمة (لأن استحالة التسع فنيين مش قادرين ع المشكلة) أو بقا الشركة نفسها بتماطل ودة الواضح وانا مش منزلة البوست عشان عايزة حل بس عشان أوضح أن خدمة العملاء ف العربي سيءة جدا المفروض اسمهم صناع الثقة وبصراحة مفيش اي ثقة ولا شعور بالمسؤولية عندهم وهدفهم يطلعوا المشتري هو السبب و كل زيارة يقولوا سبب جديد والغسالة نفسها من جوا بتترج مش حكاية بلاط أو غيره".
