رامز أمير عن قتل الحدأة: حديث الرسول غير صحيح (فيديو)
أثار الفنان رامز أمير، جدل الجمهور، عقب إعلانه عن رأيه فى حديث نبوى؛ عبر حسابه الشخصى على موقع تبادل الصور والفيديوهات الشهير "إنستجرام".
وقال رامز أمير، خلال الفيديو :"الناس ممكن تهاجمني ولكن أنا بعتبر الحداية من أجمل الطيور اللي شوفتها ولها دور مهم في الطبيعة وبجيبهم وبطلقهم وأحررهم، ولقيت حديث متداول الرسول بيأمر فيه نقتل الحداية والغراب والعقرب".
رأى رامز أمير فى الحديث الشريف
وأضاف رامز أمير، قائلًا :"أنا ليا وجهة نظري مبنية على شقين، أولهم الشق الديني ودا مش بدخل فيه إنما سألت المتخصصين ووصلت إلى أن الحديث غير صحيح، والشق الإنساني بيقول هل إحنا من حقنا كبني آدمين نقتل كائن ربنا خلقه وأبدع في خلقه".
وأختتم رامز أمير، قائلًا :"أكيد ربنا خلقه لحكمة معينة مثلا الغراب علم الإنسان الدفن، يبقى لازم نفهم كل شيء بالمنطق الأول، والحداية بتاكل الفئران ولو قتلناهم هيحصل خلل والفئران هتزيد وكل كائن أتخلق له سبب ومش منطق ربنا يطلب مننا نقتل كائن، وحرام نقتل حتى النملة، وياريت يكون عندنا شوية إنسانية ونرحم كائنات ربنا عشان ربنا يرحمنا".
وعلق رامز أمير، على الفيديو قائلًا :"حقيقة ان الرسول عليه الصلاة و السلام امرنا بقتل الحداية، اتمنى الناس تفهم و لو هتهاجم معنديش اى مشكلة لان بجد حرام يبقى فيه ناس مقتنعة ان الرسول عليه الصلاة و السلام بيأمرنا بقتل كائن ربنا خلقه".
