سيدة في دعوى خلع زوجها البخيل: "لو رغيف العيش باظ بيأكلهولي عشان ميترميش"

أقامت سيدة تدعي "سحر"، دعوي خلع ضد زوجها "خالد" أمام محكمة الأسرة بشبرا، مطالبة فيها بالتفريق بينها وزوجها لاستحالة المعيشة؛ لأنه لاينفق عليها ويحملها مسؤولية كل شيء بالمنزل .

وقالت "سحر" البالغة من العمر24 عامًا، في الدعوى التي تحمل رقم 1809 لسنة 2022، أن زوجها "خالد" منذ تقدمه لخطبتها كان شخص لايبخل عليها بشيء، ولكن خلال تحضيرهما لعش الزوجية لاحظت أنه أصبح بخيًلا جدًا ويعترض على شراء أشياء كثيرة بالمنزل.

وتابعت: "خلال ترتيبات الحاجات الأخيرة في الشقة كان طول الوقت عصبي والفلوس بتطلع من جيبه بالعافية..ولكن قولت يمكن حريص ومش معاه فلوس وبيحافظ على آخر فلوس معاه.. اتجوزنا وفي البيت برضه كان كل حاجة على القد وبقيت أحس إنى مخنوقة من كتر الشح والبخل اللي معيشني فيه”.

وأضافت بأنها شعرت بالضيق من بخله الشديد قائلة: “لو رغيف العيش باظ بيأكلهولي عشان ميترميش في الزبالة من بخله.. ولما ولدت أبني خلاني أبيع خاتم من خواتمي الدهب عشان أدفع مصاريف الولادة".

واختتمت الزوجة فيدعواها: "الموضوع بالنسبالي بقي صعب.. أنا مكنش ينفع أصبر معاه كل دا ومش هقدر أكمل خلاص عشان كدا لجأت لمحكمة الأسرة وأقمت دعوى خلع ضده".