مقتل غفير على يد شاب بالشرقية.. وأسرته: "غدر بيه في نهار رمضان وعض الإيد اللى اتمدتله"

شهدت محافظة الشرقية، واقعة مأسوية في نهار رمضان، بعد ما أقدم رجل على قتل شخص يدعي  جمال الورداني يبلغ من العمر 54 عامًا، ويعمل “غفير” قتله  غدرًا بعد أن قدم له العديد من المساعدات ومد يد العون له .

كان جمال ورداني غفير يمتلك عقار تحت الانشاء، ويستخدمه لركن دراجة نجله البخارية، وكان يساعد المتهم في العثور على عمل وذلك ما اوضحته أسرته لـ"مصر تايمز": “أبني كان في حاله بيساعد كل اللى حواليه من ضمنهم القاتل وكان بيساعده يلاقي شغل وكان بيقف في ضهره لو حد عمل مشكله معاه وميستحقش أنه يقتله غدر في نهار رمضان كدا”.

وتابعت والدة المجني عليه: “القاتل طلب من أبني شغل من فترة وأبني ساعده.. وبعدها راح المتهم سرق الدراجة النارية بتاعت حفيدي وروحنا عملنا محضر فيه عشان يرجعها ومرجعهاش.. أحنا كنا بنقسم معاه اللقمة ليه يعمل كدا”.

وأضافت: “ يوم الواقعة العصر أبني راح يجيب طلبات البيت وراح شغله المغرب ومرجعش وأتاخر للصبح فقررنا نبلغ في القسم  وتم فحص كاميرات المراقبة اللى جابت أن المتهم كان متربص لي وكان مستنيه في العمارة اللي هو شغال حارس عليها .. لقوا الجثة رابطين أيده من ورا ومخنوق وكفينوه على وشه في الرمل”.

بينما قالت زوجته: “ حسبي الله ونعم الوكيل أنا جوزي ميستاهلش اللى حصله دا القاتل عض الأيد اللي اتمدتله رغم انه كان بيقسم الأكل معانا .. وجوزي دا كان أبويا وسندي”.