محمد شردي ينتقد إعلان مصر الخير: ماشفتوش قرار الرئيس ولا بتشجعوا الناس تتسجن
انتقد الإعلامي محمد شردي إعلان مصر الخير المتعلق بفك كرب الغارمين والغارمات ، ووجه لهم رسالة قائلا ،" مصر الخير بالتاكيد بتعمل خير كتير في مصر بس انا عندي أستفسارت بعد اعلانهم بتاع رمضان اولا : هو انتم مشفتوش قرار الرئيس قبل رمضان بالافراج عن الغارمين والغارمات من السجون ؟؟؟".
وتابع محمد شردي عن إعلان مصر الخير ،" ثانيا : هو انتم مشفتوش تصريحات وزارة الداخلية انهم نفذوا اوامر الرئيس قبل رمضان ؟؟؟ثالثا : هل انتم عارفين حاجة احنا منعرفهاش ؟؟؟ هل عاوزين تقولوا للمصريين مثلا ان توجيهات الرئيس لم تنفذ رغم تاكيدات وزارة الداخلية ومصلحة السجون ؟؟؟رابعا : هي الفلوس اللي جمعتوها او ناويين تجمعوها من الناس من زكاة المال علشان الغارمين كام بالظبط ؟؟ وحتعملوا بيها ايه ؟؟؟خامسا : هل انتم مثلا بتشجعوا ناس تروح تشتري وتتسجن على اعتبار ان المجتمع حيفضل يدفع علشانهم ؟؟؟".
واختتم وقال ،" رسالة مصر الخير في اعلان ليلى علوي غلط جدا … انتم كده بتشككوا في مصداقية دولة وحكومة … سقطة كبيرة".
وكان الرئيس عبد الفتاح السيسي قد أصدر قرارا بالعفو الرئاسي عن كل الغارمات ممن يقضون عقوبات بمراكز الإصلاح والتأهيل قبل حلول شهر رمضان المعظم، وعددهم 85 غارمة، وكذلك الإفراج عن الغارمين.
