ماينفعش بأقل من 100 جنيه.. أغرب طريقة من فودافون لـ" تطفيش" عملائها
حذرت سيدة من التعامل مع شركة فودافون ، بعدما تعرضت لأغرب واقعة من الشركة حيث قالت صاحبة الشكوي،" توجهت لفرع فودافون امبارح علشان اجدد باقتين. البنت اللي في الفرع رفضت تشحن لي لان " مينفعش تشحني بأقل من 100 جنية" فقولت طيب انا في باقة ليا ب 25 وباقة تانيه ب ٥٠ فكان الرد "لا لازم تشحني ((كل خط)) ب 100 جنية علشان دي سياسة الفرع الجديده" طيب انا يا جامعة عايز اشحن علي قد الباقات بس " خلاص في بره كشك روحي اشحني من عنده او اي حد عنده مكنة فوري"!!!!!!تخيل ابقي جوه الفرع ويتقالك روح كشك!
وتابعت عن مشكلتها مع شركة فودافون،" كلمت خدمة العملاء اشوف ايه العبث ده.. قالولي اصل دي سياسة الفرع نعمل ايه؟ قولتله ليه ادفع مصاريف اضافيه مقابل خدمة فوري ولا في الكشك وانا كنت في الفرع ومتعودة اشحن من الفرع ده اصلا وازاي الشركة اللي انا معاها متقدمليش ابسط خدمة واني اشحن! كان الرد "خلاص يا فندم هنعملك شكوى في الفرع" علشان بعدها ب ٥ دقايق نفس موظف العملاء يكلمني ويقولي نصا "أنا بتابع مع حضرتك أشتريتي كرت شحن ولا لسه؟"كرت شحن ايه انا عايزة اشحن من الفرع يا جدعان ".
وأوضحت عن مشكلتها مع شركة فودافون،" بعدها ب 10 دقايق جاتلي مكالمة من اللي المفروض هيحل المشكلة.. شخص في قمة قمة قمة قلة الذوق المكالمة متسجلة علي التليفون وموجود كل الكلام اللي هقولة دلوقتيفي الأول لما حكيت ليه قالي" لا ازاي يا فندم مينفعش كده طبعا" وبعدها قالي ثواني علي الانتظار رجع بيتكلم بمنتهي قلة الذوق ان دي سياسة الفرع وقالي نصا "ده اللي عندي"و "يعني انت عايزاني اعملك ايه دلوقتي" لما بقوله ده شغل حضرتك.. حضرتك اللي تقولي اعمل ايه يرد بقلة ذوق...كمان قالي نصا " انا مش عارف اعملك ايه انت مكبرة الموضوع اشتري كرت من اي كشك" ده غير صوته العالي ولما قولتله مدام مينفعش اشحن اقل ب 100 جنية للخط عاملين خدامات ب اقل من 100 جنية ليه قالي "هو ده نظامنا وده اللي عندنا" انا بصراحة مش عارفة ليه كل قلة الذوق دي.. علشان اجدد باقتي؟ اشحن ليه ب 100 جنية لكل خط وانا محتاجة اشحن بأقل من كده؟ ليه عاملين خدامات ب أقل من 100 جنية مادام مينفعش اشحن باقل من 100 جنية؟
وتابعت عن مشكلتها مع شركة فودافون،" انا هقدم طلب تحويل الخطين بتوعي لاتصالات او أورنج بعد قلة الذوق دي بس حبيت احذر الناس من النقطه دي لان تخيل انك مثلا تبقي واخد رقم وقدامك ناس كتير في الصيام علشان في الاخر يتقالك "مينفعش تشحن باقل من 100 جنية"
