غارمة من المفرج عنهم لـ الرئيس: ربنا يجبر بخاطرك زي ما أنقذتنا وجبرت بخاطرنا

استعرضت سيدة من الغارمات التى تم الإفراج عنها بقرار من الرئيس عبد الفتاح السيسي بالإفراج عن كافة الغارمين والغارمات قبل رمضان ، تجربتها موجهه الشكر للرئيس السيسي قائلة “ شكرا إنك فرحتنا في أول يوم رمضان وسط عيالنا، وربنا يسعدك، احنا كنا في ضيقة وكرب شديد، وحضرتك فكيت كربنا، جبنا احتياجات أكبر من طاقتنا ونوعدك عمرنا ما نعمل كده تاني، ربنا ما يرميك في ضيقة ويقدرك ويسعدك ويجبر بخاطرك”.

وقال الرئيس السيسي: "فرصة إن انتو معانا، وانتي تجربة حية، مشيتي في الطريق دا وشوفتيه ومهم إننا مش إننا حلينا المسألة بالطريقة دي، والناس اللي بتسمعنا وأهالينا اللي بيعملوا كده، واللي بيعملوا عليهم إيصالات، من فضلك قوليلنا التجربة دي، وشوية تفاصيل ونسمعكم كلنا والحكاية دي بتتعمل ازاي، والرقم حقيقي ولا".

وقالت السيدة الغارمة المفرج عنها ،"الرقم كله 45 ألف جنيه، كان الحكم اللي بنفذ فيه أكتر من 70 سنة، وقضيت اللي قضيته وأنصح كل واحد ميحتاجش لإيصالات الأمانة وميخليش حد يكسره محدش يمضي وصولات الأمانة، أكتر حاجة كسرتنا حرامنا من عيالنا، ومهما نتكلم مش هنقدر نشكر حضرتك، الدنيا اللي رجعتنا ليها".

وأدار الرئيس عبد الفتاح السيسي، حوارًا مفتوحًا مع أهالى حى الأسمرات، وذلك على هامش تناوله  وجبة الإفطار مع مجموعة من مواطني حي الأسمرات وبعض القيادات الشعبية وأعضاء مجلس النواب.

وقال أحد أطفال الأسمرات للرئيس السيسي" بشكر حضرتك إنك خلتنا نحلم ونصدق حلمنا" ليقول له الرئيس " لازم تحلم وأوعي تبطل حلم"، كما ألقت طفلة من أطفال الأسمرات قصيدة شعر أمام الرئيس عبد الفتاح السيسي".

وقال الرئيس عبد الفتاح السيسي خلال مأدبة افطار الاسرة المصرية بحى الأسمرات اليوم:" ربنا بيساعد اللي يساعد الناس"، مضيفًا:"هنعمل علي تحسين الخدمات والمرافق اكتر".

وأضاف الرئيس السيسى:" لازم تبقي ايدينا مع بعض علشان نتقدم.. ولازم نثق في انفسنا وفيما أنجزناه.. و المشروعات الجديدة والتنمية تستهدف خلق فرص عمل للشباب و نعمل على توفير مليون فرصة عمل في السنة".

ووصل الرئيس عبد الفتاح السيسي ، لمدينة الأسمرات ، لتناول الإفطار مع مجموعة من أبناء الأسمرات وبعض القيادات الشعبية ، وأعضاء مجلس النواب، كما تفقد الرئيس معرض الأسر المنتجة بمدينة الأسمرات ، وأكد الرئيس إنه سيتم توفير كافة ما يحتاجة المعرض من ماكينات ومعدات.

وقال الرئيس السيسي خلال تفقده معرض الأسر المنتجة بالأسمرات: طمنوني على أحوالكم في المساكن الجديدة