مواطن يتقدم بشكوي للبنك المركزي ضد بنك Cib: فلوس مراتي اتسحبت من غير ما تعرف
شكوي جديدة تقدم بها مواطن لمجلس الوزراء وحماية المستهلك ضد بنك cib، واتهامه بالسماح بسرقة حسابات عملاء البنك دون رقيب.
وقال صاحب الشكوي ،" زوجتي اتسحب من حسابها الشخصي بنك CIB مبلغ 7000 جنيه من حسابات ف امريكا من فترة قاربت علي الـ90 يوم و لحد دلوقتي البنك مرجعهمش مع علمهم ان المعاملة متمتش عن طريقها و تأكيدهم و معرفتهم بده و قالك استني الشكوي تخلص بعد 90 يوم و بعد كده هنشوف هنرجعلك الفلوس ولا لأ”.
وتابع عن شكوته ضد بنك cib، " الأول كان الكلام ان الفلوس هترجع
بعد كده بقي انتي بتكلمينا ليه قبل انتهاء مده الـ90 يوم بتوع الشكوي كأنها ملهاش حق تسأل عن فلوسها اللي اتسحبت من حسابها بدون علمها و هي في عهدة البنك
مع العلم ان الكارت اللي اتسحب منه الفلوس هي مش بتستخدمه في أي تعاملات أونلاين
الوضع الحالي إن البنك رافض حتي يقول إذا كان الفلوس هترجع ولا لأ و بيماطل لحد انتهاء مدة الشكوي و بعد كده يبقو يردو علينا، مطالبا البنك المركزي ومجلس الوزراء وجهاز حماية المستهلك بالتدخل".
"بيسرقوا العملاء علني".. سيدة تحذر من التعامل مع بنك cib
وكانت سيدة قد حذرت من التعامل مع بنك cib واتهمتهم بالسرقة بعد خصم مصاريف إدارية عالية دون الرجوع لها، على حد قولها ، ليتزامن ذلك مع شكوي طريفة من مواطن قال أن البنك يرسل له رسائل بإنه مديون لهم فى حين إنه لا يملك حساب لدي البنك، على حد قوله.
وقالت صاحبة الشكوي مع بنك cib، " انا بحذر اي حد يحط فلوسه في أسوأ بنك في مصر بنك CIB بعد 18 سنة عميلة عندهم سحبت مبلغ من حسابي في CIB لان كنت باخد اقل فايدة في بنوك مصر في عز علو الفايدة ، افاجأ ان البنك بعد كدة خصم 500 جنيه من حسابي بدون اي وجه حق !ولما سألت يقولي : المبلغ الموجود بقى صغير !!!! قلتله وليه محدش قالي كدة وانا بسحب فلوسي، ولا انت ؟؟؟ ووعدني الفلوس ترجع بس اعمل طلب في البنك ولا عملوا حاجة ! ولا رجعوا مليم!".
وتابعت عن مشكلتها مع البنك،" برغم ان في وديعة يعني في فلوس في البنك تخصم 500 جنيه في الشهر!!!!! حرام عليكو ايه السرقة العلني دي ! CIB بيعاقب العملاء علشان بيسحبوا فلوسهم حسبي الله ونعم الوكيل فيكم وانتوا بتعملوا كدة في وقت أزمة ..أسوأ خدمة عملاء CiB ..أعلى مصاريف إدارية وخصم من الحساب تحت أي مسمى CIB".
وقال صاحب المشكلة الطريفة مع البنك ،" ماليش حساب في البنك ده، ولا عمري اتعاملت معاه، بيبعتولي كل كام شهر جوابات إني مديون لهم بمبلغ أكثر من مائة ألف، والجوابات من فرع اسكندرية...وأنا -اصلا- مقيم خارج مصر.
