مريم الخشت تكشف سبب عدم حضورها لأحد أفلام "القاهرة السينمائى"
الأربعاء 09/ديسمبر/2020 - 09:15 م
كشفت الفنانة مريم الخشت على موقعها الرسمى "انستجرام" سبب عدم حضورها أحد الأفلام المصرية المشاركة في مهرجان القاهرة السينمائي.
ونشرت الخشت على موقع "انستجرام" قائلة : " توضيح بسيط انتشر كلام امبارح بليل ان انا وبعض الزملاء كنا رايحين الفيلم المصرى اللى كان بيتعرض امبارح بس لما عرفنا ان المخرج موجود رفضنا دخول الفيلم".
وتابعت :"القصة مش كدة بالظبط ..الحكاية ان كنت متابعة شهادات لبنات بقالها فترة بتنزل عن مخرج مش معروف هو مين الشحص ده مختصب ومتحرش وكنت مستنية اعرف مين .وكنت رايحة الفيلم عادى وكنت بجهز نفسى من قبل المهرجان اصلا وكنت متحمسة جدا عشان أدعم فيلم "نسوي" وأشجع صناعه على مجهودهم وتعبهم .
وأضافت :بس لما عرفت بأكتر من شهادة ان فى الشخص ده هو الشخص اللى الناس بتتكلم عنه فى قصص اغتصاب وتحرش البنات اللى كانت منتشرة من فترة ،رفضت اروح الفيلم وادعم مشروع يقال ان صاحبه مغتصب سواء كان هيحضر أو لأ ..وروحت فعلا الأوبرا وحضرت فيلم تانى .
وأختتمت كلامها :وحقيقى دعمى اللى كان لفيلم "نسوي" بقى أضعاف أضعاف لكل البنات اللى قالوا شهادتهم، فعلا فخورة بيكم وبدعمكم جدا .
