"هياخدوا فلوسك ويضحكوا عليك".. مواطن يحذر من وثائق التأمين مع بنك CIB
حذر مواطن من التعامل مع بنك CIB، وخاصة وثائق التأمين التي يضحكون بها على العملاء ، على حد قوله.
"هياخدوا فلوسك ويضحكوا عليك".. مواطن يحذر من وثائق التأمين مع بنك CIB
واستعرض المواطن تجربته السيئة مع بنك CIB ، قائلا" أنا غلطت غلطة كبيرة كلفتنى كتير جدا.. كلفتنى عشرات الالوف.. كنت فى بنك CIB وعرضو عليا وثيقة تأمين مع شركة AXA وجالي المندوب وبالفعل أقنعنى بالإشتراك بدفع مبلغ شهرى ثابت على أن استرده بعد 10 سنين مضاف اليه مبلغ عائد.. وان ده أفضل من عائد ودائع البنوك العادية.. والمبلغ الشهرى اللى هدفعه هيخصم من حسابي البنكى اتوماتيك كل شهر..واستمريت بالدفع كذا شهر و يشاء المولى تحصل لى ظروف ومقدرش أسدد المبلغ الشهرى.. انتظرت كذا شهر مابدفعش لعل وعسي تتغير الظروف واقدر أكمل فى الدفع ولما مانفعش رحت البنك عشان اقابل مندوب Axa Egypt.. عشان الغى الوثيقة".
وتابع عن مشكلته مع بنك CIB، "كنت متوقع إنهم هيردولي الالافات إللي دفعتها على مدار الكام شهر وهيخصمو منها مبلغ على سبيل الغرامة او ما شابه زى ما بيحصل وتكسر وديعة بنكية مثلا قبل ميعاد استحقاقها..وهنا كانت المفاجأة... عاوز تلغى الوثيقة يبقي الفلوس إللي دفعتها بالكامل غير مستردة وهتروح عليك بالكامل... والحل انى أفضل أسدد لمدة 24 شهر ع الاقل عشان أقدر اكسر الوثيقة.. ووقتها هتتردلى فلوسي مخصوم منها 15 % كمان... علما بأن لو كل ما حسابي فى البنك الرقم إللي فيه يغطى القسط فهيتخصم المبلغ اتوماتيك وبالتالي هضطر اخلى حسابي دايما فاضي عشان القسط مايتخصمش بالعافيه".
وأوضح عن مشكلته مع بنك CIB، "المهم أنا بعرف حضراتكم المعلومة الخازوقية عشان محدش يغلط غلطتى لانى ماسألتش من الأول شروط إلغاء الوثيقة إيه وطبعا مندوب الشركة مابيقولكش إلا الكلام الحلو المغرى ومابيقولش الخوازيق إلا لو إنت سألت".
