جمجمتي اتفتت.. بلطجية ببورسعيد يعتدون على شاب بطريقة مأساوية بسبب ماتش كرة
استعرض “مصر تايمز” فى بث مباشر تفاصيل واقعة تعدي بلطجية على شاب اسمه أنس من أبناء محافظة بورسعيد أثناء لعبهم ماتش كرة مما أدي لإصابته بكسر فى الجمجمة.
وقال أنس فى بث مباشر مع “مصر تايمز” جمجمتي اتكسرت وفى بلطجية تعدوا عليا بالرخامة وأنا معملتلهمش حاجة وخلاص مش هينفع ألعب كرة تاني لأني جمجتي بقت مفتتة".
ومن جانبه قال كريم صديق أنس وشاهد العيان فى الواقعة فى بث مباشر لـ" مصر تايمز" احنا مالناش علاقة بحد وفجأة كنا طالعين من الملعب لقينا الطوب بيتحدف من كل مكان ولقيت أنس بيجري وواحد كتف أنس وواحد ضرب أنس وجري فا طلع دى رخامة مش طوبة ومرة واحدة لقيت صاحبي غارق فى دمه، وأخدته فى التاكسي ووديته المستشفي.. أنا شفت مخ صحبي طالع ومنظر الدم كان صعب ومكنتش شايف وشه من المنظر وفضلت أعيط طول الطريق على صديقي".
وقالت والدة أنس وهى منهارة بالبكاء"،" ليه يعملوا كده فى ابني ضيعوا ابني ومستقبله ضاع فى الكرة وامتحانات الثانوية العامة "
