متعافي يروي تجربته مع الإدمان من التعاطي للشفاء:"أصحابي كانوا السبب في اللي حصل"
سنوات طوال عاشتها أسرة الشاب "السيد" بعد إدمانه لكل أنواع المخدرات، إثر تعاطيه صنف واحد لأول مرة على يد أصدقائه، واعتياده عليه ومن ثم تجربة أنواع جديدة، حتي انتهي به الأمر إلى سلسلة في سرير بغرفة منزله ربطه والده به ليعوق حركته ويمنعه من الحركة.
بدأت قصة "السيد" صاحب ال17 عامًا، قبل 3 سنوات بذهابه إلى حفل زفاف مع أصدقائه، وعرضهم عليه سيجارة واحدة تناولها ومن ثم الثانية واعتماده عليها كليًا وتجربته أصناف جديدة، وحتي بداية تماثله للشفاء وبدايته لرحلة علاج من إدمانه في مصحة للعلاج النفسي والإدمان.
متعافي يروي تجربته مع الإدمان من التعاطي للشفاء:"أصحابي كانوا السبب في اللي حصل"
وروي "السيد" تجربته المريرة عبر موقع "مصر تايمز" موجهًا حديثه أولًا لفئة الشباب غير الواعية بخطر تناول المواد المخدرة، وطالبًا يد العون من الآخرين بمساعدته على إكمال علاجه في المصحة، موضحًا "المشكلة بدأت لما جربت صنف في التاني، أدمنت الكيف وبقيت ابيع اي حاجة في البيت عشان أجيبه، سواء كان دهب هدوم اي حاجة المهم اتصرف، والدي كان بيربطني في السرير عشان مطلعش اعمل مصيبة جديدة، أصحابي كانوا السبب في اللي حصل والحمدلله خفيت بعد سنين".
وعن رحلة علاجه يضيف المتعافي "أخدت أربع شهور في المصحة وبقيت تمام دلوقتي، لكن لسة باقيلي شهرين فيها مش عارف اكلمهم وكمان عندي كهرباء زيادة في المخ محتاج علاج، ياريت حد يساعدني، والشباب لازم تاخد بالها أنا بدأت بتجربة مرة واحدة وعشانها ضيعت من عمري سنين ودفعت الآلاف ولسة مش في وعيي".
