زوجة حسن شاكوش بعد تسريب صور زواجها الأول: عيب ياحسن تشهر بمراتك

علقت ريم طارق، زوجة مؤدي المهرجانات الشعبية، على تسريب صور زواجها الأول، عبر حسابها الشخصي على موقع تبادل الصور والفيديوهات الشهير "إنستجرام".

استخدمت ريم طارق، خاصية الاستوري، حيث اعاده نشر صورة قام بنشرها صفحة تدعى "فانز ريم طارق"، مكتوب خلالها :"ريم كانت متجوزة من سنتين وانفصلت بعد سنة واتجوزت حسن بعدها بسنه وشهور".

وأضافت :" ودا مش عيب حسن وابن اختو مطلعين ان ريم كانت ماشية غلط وبيعملوا اكونت فيك يسيئ لسمعتها وهى متجوزة دا مش عيب ولا حرام".

وأختتمت :"عيب اوووى ياحسن تشهر بمراتك وتخلى محمد شاكوش ابن اختك يتكلم على عرضك علشان الترند دى لسه لحد دلوقتى مش راضية تتكلم عنك".

وسبق وكتبت ريم طارق، بالأمس، قائلة :" حسبي الله ونعم الوكيل فى الزاني".

وأردفت ريم طارق، فى استورى، أخرى قائلة :"هو فى ايه ياجماعة، ايه كمية الهبل والتخالف اللى بتتقال دا".

رد حسن شاكوش على زوجته

علق مؤدى المهرجانات حسن شاكوش، على أزمته مع زوجته بعد أن حررت محضر ضده واتهمته بطردها".

وقال حسن شاكوش عن أزمته مع زوجته،" مساء الفل عليكم جميعا يمكن القصه دايما ناقصة والبيوت فيها اسرار واحنا بنخاف علي بنات الناس واتربينا علي كده وحق الرد بيقول ان دي لسة مراتي ميصحش اتكلم عنها حتي لو حصل ايه يمكن اهل بيتي وفريق عملي واقرب الناس ليا أتاذوا من الحوار ده بس بما انها شاركت جمهوري بشئ جارح بالشكل ده كل اللي اقدر اقولوا الحمد الله علي نعمة السكوت والعقل وقت المشكلة الحمد الله علي كل شئ".

طليقة حسن شاكوش: الطلاق ملوش ساجده

سخرت سلمى مجدى، طليقة مؤدى المهرجانات الشعبية حسن شاكوش، على واقعة طرده لزوجته، عبر حسابها الشخصي على موقع التواصل الإجتماعي "فيسبوك"، وكتبت سلمى مجدى، قائلة :"جماعه هو الطلاق ملوش ساجده".

رضوى الشربيني تعلق على طرد حسن شاكوش لزوجته

وعلقت الإعلامية رضوى الشربيني، على واقعة طرد مؤدى المهرجانات الشعبية حسن شاكوش لزوجته، عبر حسابها الشخصي على موقع التواصل الإجتماعي "فيسبوك".

وكتبت رضوى الشربيني، قائلة :"كدة يا حسن تطرد بنت الجيران بعد ما سجدت لربنا سجدة شكر قدام الناس كلها علشان اتجوزتك و كمان تدخلها القسم بعد شهرين جواز يا راجل!".

وأضافت رضوى الشربيني، قائلة :"تقديرك للراجل اللي معاكي بيتبني بالمواقف والعشرة و دول الإثبات الوحيد ف ما تسبقوش الأحداث".

وأختتمت رضوى الشربيني، قائلة :"وتقديرك ليه مش معناه إنك تتنازلي أو تقللي من نفسك علشانه، الله يكون فى عونها".

يذكر أن حررت زوجة حسن شاكوش محضرا ضده تتهمه فيه بالاستيلاء على منقولاتها، وإيصال امانة بديل قيمة مؤخر الصداق، وذلك عقب طردها من مسكن الزوجية بسبب خلافات بينهما.

كان قسم شرطة اكتوبر قد تلقى بلاغا من زوجة شاكوش، حيث أكدت ريم صادق 28 سنة "ربة منزل " ومقيمة داخل كمبوند شهير تقيم فيه وتضررها من زوجها حسن شاكوش، لقيامه بطردها من منزل الزوجية منذ أيام والاستيلاء على المنقولات الزوجية وشبكتها وإيصال أمانة لصالحها بديل مؤخر الصداق، فتحرر محضر بالواقعة وتتولى النيابة التحقيق.