بعد تصريحات طليقها.. رسالة ريم طارق لـ زوجها حسن شاكوش

وجهت ريم طارق، زوجة مؤدى المهرجانات الشعبية حسن شاكوش، إلى زوجها، عقب تصريحات أحمد خليل، طليقها، عبر حسابها الشخصي على موقع تبادل الصور والفيديوهات الشهير "إنستجرام".

كتبت ريم طارق، عبر خاصية الاستورى، قائلة :"أنا لحد دلوقتي متكلمتش ولا عبت ولا قولت إيه السبب علشان دي أعراض، لكن تروح تتفق مع طليقي يطلع يتكلم وأنت عارف إني رافعة عليه قضايا ولحد دلوقتي مخدتش حقوقي منه".

أضافت ريم طارق، قائلة :"أنت روحت تتفق معاه عيب عليك تجيب واحد أبويا فاتحله مشروعه ومعايا كل وصولات الأمانة ومع ذلك محبستوش، وقبل ما أتجوزك عملت كل التحاليل اللي تثبت ده، وده شغل رخيص أوى يا حسن بتتحامى في واحد عبيط زي دا".

وتابعت ريم طارق، قائلة :"انا مصر كلها كانت عارفة انى متجوزة وعارفة ليه انفصلت بس انت اللى حبيت تدارى على الموضوع علشان البنات اللى كنت موعدها بالجواز وقولتلهم امى عايزة بنت تكون اول مره تتجوز".

طليق زوجة حسن شاكوش: مش عارف اتجوز بعدها

أكد أحمد خليل، طليق ريم طارق زوجة مؤدى المهرجانات الشعبية حسن شاكوش، أن علاقتهما لم تتوقف عند مرحلة الخطوبة بل تمت بالزواج الذى استمر لمدة عام.

وأضاف أحمد خليل، خلال تصريحات تليفزيونية بأن ريم طارق، وأهلها يطاردونه دومًا بعد الطلاق وقاموا برفع عدة قضايا ضده لشويه سمعته.

وتابع أحمد خليل، بأن ريم طارق أخذت حقها بالكامل ومع ذلك قامت برفع قضية منقولات ضدى".

وأوضح أحمد خليل، قائلًا :" أنا مش عارف اتجوز من بعدها بسبب القضايا اللى رفعينها عليا وبيقولوا عليا كلام محصلش".

حسن شاكوش يتهم زوجته بسرقة نصف مليون جنيه

حرر محامى حسن شاكوش، محضر ضد ريم طارق، زوجة حسن شاكوش، بسبب قيامها بترك مسكن الزوجية والأستيلاء على مبلغ مالي قدر بنحو 500 ألف جنيه.

ونفى محامي حسن شاكوش، تحصل الأخير على الشيك الخاص بمؤخر الصداق نافياً ما قالته زوجته ريم انه قام بسرقة الشيك الخاص بمؤخر الصداق .

من جانبه، تحدث مؤدي المهرجانات حسن شاكوش، عن تفاصيل وأسباب الخلاف مع زوجته ريم طارق، بعدما حررت محضر ضده واتهمته بطردها.

وفجر حسن شاكوش مفاجأة نارية من العيار الثقيل، خلال ظهوره بمقطع الفيديو المتداول، حيث أكد أنه تحت سيطرة الأعمال السحرية.

طليقة حسن شاكوش: الطلاق ملوش ساجده

سخرت سلمى مجدى، طليقة مؤدى المهرجانات الشعبية حسن شاكوش، على واقعة طرده لزوجته، عبر حسابها الشخصي على موقع التواصل الإجتماعي "فيسبوك"، وكتبت سلمى مجدى، قائلة :"جماعه هو الطلاق ملوش ساجده".

رضوى الشربيني تعلق على طرد حسن شاكوش لزوجته

وعلقت الإعلامية رضوى الشربيني، على واقعة طرد مؤدى المهرجانات الشعبية حسن شاكوش لزوجته، عبر حسابها الشخصي على موقع التواصل الإجتماعي "فيسبوك".

وكتبت رضوى الشربيني، قائلة :"كدة يا حسن تطرد بنت الجيران بعد ما سجدت لربنا سجدة شكر قدام الناس كلها علشان اتجوزتك و كمان تدخلها القسم بعد شهرين جواز يا راجل!".

وأضافت رضوى الشربيني، قائلة :"تقديرك للراجل اللي معاكي بيتبني بالمواقف والعشرة و دول الإثبات الوحيد ف ما تسبقوش الأحداث".

وأختتمت رضوى الشربيني، قائلة :"وتقديرك ليه مش معناه إنك تتنازلي أو تقللي من نفسك علشانه، الله يكون فى عونها".

يذكر أن ريم طارق، زوجة حسن شاكوش، حررت محضرًا تتهم فيه زوجها بطردها من المنزل منذ أيام، والاستيلاء على منقولاتها الزوجية وشبكتها، وأيضًا إيصال أمانة لصالحها بديل مؤخر الصداق.