طليق زوجة حسن شاكوش: أجبروني على الطلاق

كشف أحمد طليق زوجة حسن شاكوش، تفاصيل قصته مع ريم طارق طليقته السابقة والزوجة الحالية لـ مغني المهرجانات حسن شاكوش.

وقال طليق زوجة حسن شاكوش، ببرنامج تفاصيل تقديم الإعلامية نهال طايل: اتفرض عليا الطلاق ومكنتش عايز أطلقها، وطلقتها وخدت حقوقها الكاملة، وأنا مرفوع عليا قضايا في المحاكم وخدت كل حقوقها أخدتها.

وفجر أحمد طليق ريم طارق، مفاجأة من العيار الثقيل بخصوص طليقته زوجة مغني المهرجانات حسن شاكوش.

وقال طليق ريم طارق، ببرنامج تفاصيل تقديم الإعلامية نهال طايل والمذاع على قناة صدى البلد: الصدمة اللي اتفاجئت بيها إنها تتجوز تاني، وهي عندها تعب صحي لا يمكنها الزواج، وده ظهر بعد شهرين من زواجي منها، وأهلها كلموني عشان تتطلق.

وأوضح طليق ريم طارق: أنا مقصرتش معاها، وقولت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج.

تابع: سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها.

استكمل طليق زوجة شاكوش على قناة صدى البلد: لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا.

وعن صحة تعديه عليها بالضرب أثناء زواجه لها، فأوضح: أنا مكنتش بضربها ومضربتهاش علقة موت، وعمري ما ممديت ايدي عليها، وكل مشكلة كنت بشتكي لوالدها.

وعن سبب الطلاق الذي وقع بينهما، فقال: كان فيه ظروف معينة للطلاق ولما حصل مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير اني عايز اعيش في استقرار.

وأضاف كاشفا القضايا المرفوعة عليه من ريم طارق: مرفوع عليا قضايا منقولات وايصالات أمانة، وكل اللي عايزه منها تتنازل عن القضايا اللي رفعاها عليا وربنا يسعدها في حياتها، واتفرض عليا الطلاق ومكنتش عايز أطلقها، وطلقتها وخدت حقوقها الكاملة، وأنا مرفوع عليا قضايا في المحاكم وخدت كل حقوقها أخدتها.

قال هاشم محمد أحد الشهود على طلاق ريم طارق زوجة حسن شاكوش من أحمد، إنها حصلت على كل حقوقها الشرعية كاملة ونقلتها على سيارة أمام أعين الجميع.

وأضاف هاشم محمد، خلال لقائه مع الإعلامية نهال طايل ببرنامج «تفاصيل» على قناة صدى البلد2، أن ريم طارق أخذت غرفة النوم والأنتريه والسفرة وكل متعلقاتها.

بينما قال شاهد آخر، أنه هناك مشاكل كانت تدور بين ريم وطليقها، مضيفا أن أحمد طليق ريم طارق من عائلة كبيرة في سوهاج، وانصاع لنصيحة أهله بالانفصال عن ريم.

وأكد أن أحمد من أطيب خلق الله ويُعرف في المنطقة بحسن الخلق، واحترام الآخرين والسمعة الحسنة: «الرجل من عائلة محترمة وابن ناس جدا».