استشارى نفسي: هذه الكوارث فى التربية تخلق أجيال فاقدة الثقة

حذرت الدكتورة إيمان الريس، استشارى نفسى وتربوى، من الأساليب الخاطئة فى تربية الأطفال، خاصة فيما يتعلق بإهانة الأبن أو الابنة أثناء تقويمه، سواء بالقول أو الفعل كمثل الشتم أو الضرب، فهذا يتسبب فى شخص معدوم الشخصية وعديم الكرامة وعزة النفس. 

وتابعت الريس، خلال مداخلة حلقة برنامج "البيت" المذاع على فضائية "الناس"، اليوم الأثنين: "أوعى تضربى ابنك أو تهزقيه، أو تشتميه، وقفى كده فورا لازم تشجعى ابنك على إنه يكون عنده ثقة فى نفسه، الجيل ده لازم تصاحبه يخاف على زعلك وعلى حبك، ويحس إنه قلقان لو الاهتمام قل به، لازم عشان يكون واثق من نفسه جدا لازم افتح حوار معاه واخليه يثق فى، وبلاش العقاب العنيف أو الكذب أمامه للخروج أو الهروب من المواقف الاجتماعية، لازم نفهمه مثلا بنقول للناس ليه الحمد لله إحنا كويسين وعندنا حاجات حلوة فى البيت، وهو مفيش، لازم نفهمه إحنا بنقول كده ليه".

وكانت الشركة المتحدة للخدمات الإعلامية، قد اطلقت قناة "الناس" في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023.
وتبث قناة "الناس" عبر تردد 12054 رأسى عدة برامج للمرأة والطفل وبرامج دينية وشبابية وثقافية وتغطي كافة مجالات الحياة.