سيدة تحذر من سيريلاك للأطفال بعد عثورها على سلك داخل العلبة
حذرت سيدة من شراء منتجات سيريلاك من نسلة بعد عثورها على سلك داخل إحدى العبوات قبل تناول طفلتها ، دون اهتمام من الشركة ، على حد قولها.
وقالت صاحبة المشكلة مع نسلة ،" مساء الخير انا بشتري سيريلاك لبنتي علطول في مره و انا بنزل منه في الطبق لقيت حاجه غريبه شبه الاستيك نازله من الكيس طبعا اضايقت جدا و تواصلت مع شركه نسله و قالولي هنبعت مندوب ياخد العينه دي و العلبه و نعرف المشكله فين ".
وتابعت عن مشكلتها مع سيريلاك ونسلة ،" بعدها بـ 15 يوم كلمتهم تاني علشان المندوب مجاش قالولي هنبعت المندوب ياخد العلبه طبعا و احنا تواصلنا مع المصنع و مفيش مشكله الكلام ده من اكتر من 10 ايام يعني المشكله حصلت من اكتر من 25 يوم و محدش سال ولا رنوا حتي و مهملين و مش فارق معاهم صحه الاطفال انا متفهمه جدا ان الغلط وارد في اي حاجه بس مش قادر افهم ازاي يتجاهلوا المشكله بالطريقه دي ..انا بنصحكوا بلاش سيريلاك".
