رصيدي راح فين.. مواطن يوجه سؤال لشركة فودافون بعد سحب باقته دون استخدامها
حذر مواطن من التعامل مع شركة فودافون ووجه لهم سؤال عن رصيده بعدما خلصت الباقة التى جددها وضاعت فلوسه دون أن يستخدمها.
وقال صاحب الشكوي،" شركة ڤودافون Vodafone Egypt بجد بقت أوڤر أوي في موضوع السرقة و سحب الرصيد أول إمبارح الساعة 11:49 م وصلتني رسالة بضرورة وجود رصيد كافِ عشان تحديد الباقة و شحنت مبلغ 300 ج عن طريق ڤودافون كاش الساعة 2:19 ص و كان متبقي حوالي 4 جيجا من الباقة القديمة".
وتابع "النهاردة إتفاجئت إن الباقة خلصت دخلت أجدد الباقة لقيت رصيدي خلص اللي هو 311 جنيه اتصلت اشتكي طبعاً الموظفين بتوع الشركة قمّة في البرود و جوابهم معناه "اخبط دماغك في الحيط "انت استهلكت رصيدك في الإنترنت ، والموظفة بمُنتهى البرود عايزة تقنعني اني استهلكت 300 ج رصيد في استهلاك انترنت في اقل من يوم؟!و بتقول لي الكمبيوتر مبيغلطش !طيب الساعة 2:48 م فيه رسالة وصلتني من الكمبيوتر بتاعكم اللي مبيغلطش بتقول اني عندي 2048 ميجا متبقية من الباقة القديمة طيب رصيدي راح فين؟!".
يذكر أن هذه ليست الشكوي الأولي فقد سبق وحذرت فتاة من التعامل مع شركة فودافون وأعلنت تقدمها بشكوي ضدهم واتهمتهم بسرقة أموالها، مستعرضه مشكلتها مع شركة فودافون.
وقالت صاحبة الشكوي ،" طريقة جديدة للاحتيال و السرقة من Vodafone Egypt ..انا للاسف عميلة ف فودافون بقالي اكتر من 20 سنة من ايام ما كانت كليك! رقمي الأساسي بقاله معايا 15 سنة بقالي فترة زي كل الناس بلاحظ اللعب ف الاستهلاك و الموبايل بيديني استهلاك غير اللي بيديهولي الابلكيشن و بقول مش مشكلة امري لله لانها للاسف الشبكة الوحيدة اللي شغالة ف اغلب الاماكن ف الصحراء ف مصر و انا بسافر تخييم كتير".
وتابعت عن شكوتها مع فودافون،" المهم انا جبت خط من حوالي سنة ووقفت تعامل ف القديم عشان اقلل السرقة اللي حاصلة و بتجنب اي شئ ممكن يورطني معاهم باقتي فليكس 200 يعني بدفع شهريا 330 ج وهو مش رقم صغير اتفاجئ بأنه حصل عندي مشكلة ف فودافون كاش و عشان اكلم خدمة العملاء لازم اشحن رصيد شحنت فورا اتفاجأت بأنه انسحب الرصيد بحجة باقة ع النوتة مستحقة لم تدفع!! طب ازاي!!! هو انا لو عليا جنيه لفودافون هيسيبوني!! لا و كمان من يوم ١٩/٣ !! امال بجدد باقتي عادي ازاي! و باقتي شغالة و بتصل و نت و كله ازاي!!طبعا اتجننت لاني مش حمل ادفع ٣٣٠ ج تاني لفودافون بدون اي مبرر! كلمت خدمة العملاء اللي كل واحد فيهم له كلام غير التاني و بدأت اول واحدة باسم شيماء محمد عبدالفتاح قالتلي دي باقة بتاريخ ٢٣/٤ قولتلها لو افترضنا ازاي باقتي تبقي شغالة!! اصل معرفش اصل ممكن ".
