اتصالات بتسرق العملاء.. فتاة تحذر من الشركة الشهيرة

حذرت فتاة من شركة اتصالات لقيامها بسرقة رصيدها رغم عدم استهلاكها له أو للباقات ، على حد قولها ، وتفاعل معها عدد كبير من المواطنين متهمين الشركة بسرقة باقاتهم الشهرية.

وقالت صاحبة المشكلة ،" ممكن اعرف ايه الحل مع شركة اتصالات بيتم خصم جيجا بايتس كتير من الباقة بدون  استهلاك و دي داتا مش راوتر ! يوم ٥/٥ الساعة ٩:٢٥ دقيقة كبرت باقة دماغ تانية و متبقي معايا فيها 7 جيجا  عملت reset البيانات علي التليفون علشان احسب الاستهلاك التليفون عندي مبين اني استهلكت  837 ميجا بايت و الداتا  علي ابلكيشن اتصالات مخصوم منها 4 جيجا بايت ".

وتابعت عن شركة اتصالات،" مع العلم امبارح كنت مكلمه خدمة العملاء علشان نفس المشكلة و طلع عندي مشكلة فعلاً و الموظف  قالي هنحطلك باقة تعويضه 2 جيجا و ربع عن سحب 30 جيجا بدون وجه حق و كمان ماحطش حاجةاصحي الصبح اكتشف ان مسحوب مني ٤ جيجا و مافيش باقة اضافية و اكلمهم يحاولوا يقنعوني ان الايفون بيسحب بدل الميجا الواحدة 3 و 4 !!!!!!!!!!! طبعاً مافيش الكلام دا الايفون سريع لكن الاستخدام واحد في سحب الداتا و الحل بتاعهم بيقولي هنحطلك 2جيجا هدية    بدل ال 4 جيجا  بتوع الصبح".

وقالت " طيب يا سيدي الفاضل امبارح زميلك قال نفس الكلام معني كدا انك هتحط 4 جيجا و نص قالي لأ هما 2 و ربع بس يعني انا بشحن بألاف و اتصالات بتسرقني  و انا المفروض اسكت ".