مواطن يحذر من التعامل مع بنك الإسكندرية بعد سرقة أمواله
حذر مواطن من التعامل مع بنك الإسكندرية بعد سحب مبلغ مالي منه من إحدي ماكينات البنك ، دون وجود أي رد فعل أو تعامل من خدمة عملاء البنك.
مواطن يحذر من التعامل مع بنك الإسكندرية بعد سرقة أمواله
وقال صاحب المشكلة ، تجربة سيئة مع بنك إسكندرية ALEXBANK عملت عملية إيداع في ماكينة البنك لفيزا زوجتي وسحب مبلغ 5000 جنيه وبعدها الماكينة كتبت الماكينة خارج الخدمة وطبعا اتأكدت إن المبلغ منزلش في الرصيد .
اتصلنا بخدمة العملاء وواحد رد علينا وبكل برود مقدرش أعمل حاجة علشان في تحديث للسيستم وعلى فكرة على طول ردهم كدا وبالذات بالليل وكان الكلام دا الساعة الواحدة صباحا ..طيب إيه العمل ؟! استنوا لما التحديث يخلص..طيب والفلوس ؟! الرد ..مقدرش أعمل أي حاجة .
قفلنا واتصلنا تاني رد علينا واحد تاني وطلب البيانات (وسبحان الله السيستم شغاال أهو ) وبعد البيانات قال انتظروا 3 أيام عمل ...طيب والفلوس ؟! قلنا له طيب اعمل شكوى وادينا رقمها كإثبات قال لا مقدرش أعمل شكوى وأنا معنديش مشكلة .يابني المشكلة عندي أنا ...فلوسي اتسحبت يا عالم يا اللي مبتفهمش في المهنية وعاوز أعمل شكوى ..لا يا فندم مينفعش ".
وتابع "أنا مش عارف إحنا فين بالظبط وكل دا وأنا مش عارف أثبت إن الماكينة نصبت علي ...بنك إسكندرية أسوأ خدمة عملاء ولن أكون عميل لهذا البنك مرة أخرى"
