ليه الست لما بتزهق بتقص شعرها..؟
ارتبط لدي الكثيرين أن شعور النساء بالزهق والاكتئاب والملل مرتبط لدجيهم بقص الشعر بشكل تلقائي ، وفى كثير من الأحيان تلجأ النساء لقص شعرها للتأكيد على قدرتها على اتخاذ القرار.
أغلب الستات شعرها جانب مهم من مظهرها، وبيبين تفاصيل كتير ليها علاقة بشخصيتها، وزي ما بيقولوا "الشعر تاج المرأة" وكلنا بننزعج لما يكون ضعيف ومش صحي وبنحاول نعالجه بكل الطرق، وإزاي ممكن يومنا يكون سيء لو شعرنا شكله مش حلو زي ما توقعنا.
أغلب التجارب اللي بتضطر الستات تقص شعرها أو تتخلص منه نهائيا متعلقة بالانفصال أو الطلاق، أو التجارب العاطفية القاسية عموما، وممكن يكون تعبير عن الرغبة في بداية حياتها من جديد بطريقة مختلفة، أو لتدعيم فكرة القدرة على التخلى عن أي شيء بيقيدها.
من الممكن أن يكون قص الشعر بديل للصراخ، وكأنه متنفس عن مشاعر كتير متلخبطة ومليانة غضب وحزن ورفض، وتعبير عن لخبطة كبيرة دايرة جوه دماغنا، ومشاكل يمكن مش عارفين نتعامل معاها في الوقت الحالي.
